కమాండోతో మొదలుపెట్టిన బర్త్ డే బేబీ
13-May-2016 12:00:00
హార్ట్ ఎటాక్ మూవీతో టాలీవుడ్ లో అడుగు పెట్టిన ఆదా శర్మ.. కెరీర్ ని పరుగులు పెట్టించడానికి వరుసగా సినిమాలు ఒప్పేసుకుని తల బొప్పి కట్టించుకుంది. సన్నాఫ్ సత్యమూర్తి సుబ్రమణ్యం ఫర్ సేల్ వంటి చిత్రాలు హిట్ అయినా.. ఆదాశర్మకు మాత్రం ఏ మాత్రం ఉపయోగపడలేదు. కానీ ఈ ఏడాది విడుదలైన క్షణం మూవీ అమ్మడి కెరీర్ కి ఫుల్ టర్నింగ్ ఇచ్చేసింది. ఇప్పుడు బాలీవుడ్ క్షణంలో సల్మాన్ పక్కన నటించేందుకు కూడా ఆదా శర్మనే అనుకుంటున్నారంటే.. ఈ భామ క్రేజ్ ఏ రేంజ్ లో ఉందో అర్ధమవుతుంది.
మే 10 వ తారీఖు ఆదాశర్మ పుట్టిన రోజు. అదే రోజున మరో విశేషం చోటు చేసుకుంది. 2013లో విడుదలైన కమాండో చిత్రానికి సీక్వెల్ గా కమాండో 2 షూటింగ్ ప్రారంభించింది యూనిట్. తన పుట్టిన రోజునే కొత్త సినిమా షూటింగ్ మొదలవడంతో.. తెగ హ్యాపీ అయిపోయిన ఆదా.. ఆ సంగతిని అభిమానులతో పంచుకుంది. 'పుట్టిన రోజునే కొత్త సినిమా షూటింగ్ లో పాల్గొనడం గిఫ్ట్ గా భావిస్తున్నా. నిజంగానే నిన్న నాకు వెరీ హ్యాపీ హ్యాపీ బర్త్ డే' అంటూ ట్వీట్ చేసింది ఆదాశర్మ.
కమాండో-2లో ఆదా కేరక్టర్ చాలా క్లిష్టమైనది అంటున్నారు. ఆ రోల్ ను చేసేందుకు కొన్ని నెలలపాటు స్పెషల్ ట్రైనింగ్ కూడా తీసుకుంది ఆదా. విద్యుత్ జమాల్ హీరోగా నటిస్తున్న ఈ సీక్వెల్ మూవీపై.. బాలీవుడ్ లో మంచి అంచనాలే ఉన్నాయి.
Related News
