బాహుబలి: ది కంక్లూజన్ వసూళ్ల మోత మామూలుగా లేదు. ఈ సినిమా ఇండియాలో కలెక్షన్ల రికార్డులన్నింటినీ బద్దలు కొడుతుందన్నది ముందే అంచనా వేసిన విషయమే కానీ.. మరీ ఈ స్థాయిలో ప్రభంజనం సాగిస్తుందని అనుకోలేదు. అమెరికాలో 15 మిలియన్ డాలర్లు రికవర్ చేయాల్సిన బాహుబలి-2 ఆ మార్కును అందుకోగలదా అని చాలామంది సందేహించారు. స్వయంగా డిస్ట్రిబ్యూషన్ సంస్థే.. ఫస్ట్ పార్ట్ లాగా దీనికి పెద్దగా లాభాలు ఆశించలేమేమో అని ఆందోళన వ్యక్తం చేసింది. కానీ ఫస్ట్ వీకెండ్లో ఈ చిత్రం సాధించిన వసూళ్లు చూస్తే కళ్లు చెదిరిపోవాల్సిందే. తొలి వారాంతం పూర్తి కాకముందే ఈ చిత్రం 10 మిలియన్ డాలర్ల క్లబ్బులో చేరడం విశేషం.

గురువారం ప్రిమియర్లతో కలిపి తొలి రోజుకే 4.5 మిలియన్ డాలర్ల దాకా వసూలు చేసిన బాహుబలి-2.. శనివారం కూడా అదే జోరు కొనసాగించింది. రెండు రోజుల్లోనే 8.1 మిలియన్ డాలర్లకు బాహుబలి-2 వసూళ్లు చేరుకున్నాయి. ఆదివారం షోలన్నీ అయ్యేసరికి 10 మిలియన్ మార్కును అలవోకగా దాటేసిందీ చిత్రం. ఫైనల్ ఫిగర్స్ పై ఇంకా సమాచారం రావాల్సి ఉంది కానీ.. 10 మిలియన్ మార్కునైతే అందుకున్న సంగతి వాస్తవం. మరోవైపు తొలి వీకెండ్లో ఈ చిత్రం ప్రపంచవ్యాప్తంగా రూ.500 కోట్ల మార్కును టచ్ చేసే అవకాశాలున్నాయిన ట్రేడ్ పండిట్స్ అంటున్నారు. ఇంకా ఇండియాలోని అన్ని ప్రాంతాల కలెక్షన్లపై పూర్తి సమాచారం రావాల్సి ఉంది. వరల్డ్ వైడ్ కలెక్షన్ల మీద ఐడియా రావడానికి టైం పట్టొచ్చు

Related News

స్పైడర్ ఏ యాంగిల్లో చూసినా సేఫే

స్మాల్ బడ్జెట్ ఫిలిం తీసేందుకు రెడీ అవుతున్నాడట

క్రేజీ మూవీలో ఇంట్రో సీన్ ఇదే

ఎనర్జిటిక్ హీరోతో మళ్లీ కరుణాకరన్