పెద్ద డైరెక్టర్లకు రజనీ షాక్!
07-May-2015 11:53:05
రజనీకాంత్ తదుపరి సినిమాపై గత కొంతకాలంగా నెలకొన్న సస్పెన్స్ కి తెరపడింది. 'లింగా' తర్వాత ఆయన నటించే సినిమా ఖరారైంది. పెద్ద డైరెక్టర్లతో ఆయన సినిమా ఉంటుందంటూ వచ్చిన వార్తలకు పుల్ స్టాప్ పెడుతూ, ఓ యువ దర్శకుడితో ఆయన సినిమా కన్ఫర్మ్ అయింది. 'అట్టకత్తి', 'మద్రాస్' వంటి సినిమాలతో పేరుతెచ్చుకున్న రంజిత్ దర్శకత్వంలో తన తదుపరి సినిమా చేయడానికి రజనీ గ్రీన్ సిగ్నల్ ఇచ్చేశారు. దీనిని ప్రముఖ నిర్మాత కలైపులి థాను నిర్మిస్తారు. ఈ విషయాన్ని నిర్మాత అధికారికంగా ధ్రువీకరిస్తూ ప్రకటన విడుదల చేశారు. దీనిని తెలుగు, తమిళ భాషల్లో ఏకకాలంలో నిర్మిస్తామని నిర్మాత చెప్పారు. ప్రస్తుతం ప్రీ ప్రొడక్షన్ పనులు జరుగుతున్నాయని, త్వరలోనే షూటింగ్ మొదలుపెడతామని ఆయన తెలిపారు.
rajnikanth, ranjith, tollywood, news, kollywood,Related News
