తిరిగి సత్తా చాటడం కోసం వేసిన స్కెచ్
11-Nov-2016 13:12:32
బస్టాప్ మూవీతో తెలుగమ్మాయి ఆనంది హీరోయిన్ గా గుర్తింపు పొందడమే కాదు.. మరికొన్ని అవకాశాలు కూడా దక్కించుకుంది. అయితే.. హీరోయిన్ గా ఇక్కడ మాత్రం సెట్ కాలేక.. తమిళంలోకి వెళ్లిపోయి అక్కడ వరుసగా సినిమాలు చేసేస్తోంది. చేతిలో నాలుగైదు సినిమాలతో స్పీడ్ గానే ఉన్న ఈ బ్యూటీ.. ఇప్పుడు తెలుగులో తిరిగి సత్తా చాటడం కోసం వేసిన స్కెచ్ చూసి చాలామందికి షాక్ కొట్టేసింది.
సాధారణంగా ఏ అప్ కమింగ్ హీరోయిన్ కూడా.. చెల్లెలి పాత్ర చేసేందుకు ఉత్సాహం చూపదు. ఆఫర్ వచ్చినా కుదరదు పొమ్మనే చెబుతుంటారు. కానీ ఆనంది మాత్రం ఓ ఓపెన్ ఆఫర్ ఇచ్చేసింది. టాలీవుడ్ లో మీ ఫేవరెట్ హీరో ఎవరు అనే ప్రశ్న ఈ భామకు ఎదురు కాగా.. 'తెలుగులో అందరు హీరోలు నాకు ఇష్టమే. అయితే.. పవన్ కళ్యాణ్ సార్ అంటే మాత్రం చాలా చాలా ఇష్టం. ఒక్క సినిమాలో అయినా ఆయనకు చెల్లెలుగా నటించాలన్నది నా డ్రీమ్' అనేసింది ఆనంది.
ప్రస్తుతం కాటమరాయుడు చేస్తున్న పవన్ కళ్యాణ్.. ఆ తర్వాత త్రివిక్రమ్ తోను.. ఆ వెంటనే ఏఎం రత్నం నిర్మాణంలో.. నీసన్ దర్శకత్వంలోను ఓ మూవీ చేయనున్నాడు. వేదాలం రీమేక్ గా ఏఎం రత్నం నిర్మించనున్న ఈ మూవీ.. సిస్టర్ సెంటిమెంట్ బేస్డ్ గా నడుస్తుంది. ఆ రోల్ తనకు ఇమ్మంటూ ఇన్ డైరెక్టుగా ఆనంది ఆఫర్ ఇచ్చిందనే విషయం చాలామందికి అర్ధమైపోయింది. మరి ఉత్సాహం చూపిస్తున్న తెలుగమ్మాయికి ఆ రోల్ దక్కుతుందో.. లేక ఇంకెవరైనా స్టార్ హీరోయిన్ ని వెతుక్కుంటారో తెలియాలంటే మాత్రం ఇంకొన్ని నెలలు పడుతుంది.
Related News
