దర్శక ధీరుడు రాజమౌళి తెరకెక్కించిన ?బాహుబలి?, ఇండియన్ సినిమా చరిత్రలో ఓ మైలురాయిగా చెప్పుకోవచ్చనడంలో సందేహం లేదన్న విషయం తెలిసిందే. గతేడాది జూలై నెలలో విడుదలై ప్రభంజనం సృష్టించిన ఈ సినిమాకు రెండో భాగమైన ?బాహుబలి ది కంక్లూజన్? ప్రస్తుతం సెట్స్‌పై ఉంది. ఇక ఇప్పటికే క్లైమాక్స్‌తో పాటు చాలా వరకు షూటింగ్ పూర్తి చేసుకున్న ఈ సినిమా డిసెంబర్ కల్లా మొత్తం పూర్తవుతుందట. అదేవిధంగా పోస్ట్ ప్రొడక్షన్‍ను కూడా పక్కాగా అనుకున్న ప్రకారంగానే పూర్తి చేసి, ఏప్రిల్ 28, 2017న సినిమాను ప్రేక్షకుల ముందుకు తెచ్చేందుకు టీమ్ అన్ని చర్యలూ తీసుకుంటుందట.
ఈ విడుదల తేదీని మార్చే ప్రసక్తే లేదని తెలిపిన టీమ్, ఆ అవగాహన మీదే ప్రీ రిలీజ్ బిజినెస్ కూడా మొదలుపెట్టేసింది. ఇప్పటికే నైజాం ప్రాంత హక్కులు సుమారు 50 కోట్ల రూపాయలకు అమ్ముడై సినిమాకు ఏ స్థాయి క్రేజ్ ఉందో స్పష్టం చేసింది. ఇక త్వరలోనే అన్ని ప్రాంతాలకు సంబంధించిన బిజినెస్‌ను ప్రొడక్షన్ టీమ్ క్లోజ్ చేయబోతోంది. ప్రభాస్, రానా, అనుష్క, తమన్నా ప్రధాన పాత్రల్లో నటిస్తోన్న బాహుబలిని ఆర్కా మీడియా వర్క్స్ నిర్మిస్తోంది.

Related News

శ్రీవల్లీ కి రాజమౌళితో వాయిస్ ఓవర్

తక్కువ సమయంలోనూ బలమైన ముద్రే వేసింది లావణ్య

చిరంజీవికి రుణపడి ఉంటా -మహేష్

మరో రీమేక్ లో వెంకీ