బాహుబలి: ది కంక్లూజన్ వెయ్యి కోట్ల గ్రాస్ సాధిస్తుందన్నది అందరూ ఊహించిన విషయమే. ఐతే ఆ సినిమా అంచనాల్ని మించిపోయి రెండు వారాల్లోనే రూ.1500 కోట్ల మైలురాయికి చేరువై సంచలనం సృష్టించింది. మూడో వీకెండ్లో కూడా ఆ సినిమా జోరు చూసి ఫుల్ రన్లో రూ.2 వేల కోట్ల మైలురాయికి చేరువగా వెళ్తుందేమో అనుకున్నారు. కానీ తర్వాత ఈ సినిమా జోరు తగ్గింది. ప్రస్తుతం రూ.1650 కోట్ల దాకా ఉన్నాయి బాహుబలి-2 వసూళ్లు. ఫుల్ రన్లో రూ.1700 కోట్లకు చేరువగా వెళ్లొచ్చేమో. ఐతే రూ.2 వేల కోట్ల మైలురాయి బాహుబలి-2 కు అందుతుందా లేదా అన్నది ఆ చిత్రం చైనాలో ఎలా పెర్ఫామ్ చేస్తుందన్నదానిపై ఆధారపడి ఉంది. అక్కడ బాహుబలి-1 రూ.7 కోట్లు మాత్రమే వసూలు చేసిందన్న సంగతి తెలిసిందే.

ఐతే బాహుబలి-2 సంగతేమో కానీ.. అమీర్ సినిమా దంగల్ మాత్రం రూ.2 వేల కోట్ల మైలురాయిని అందుకోవడం ఖాయంగా కనిపిస్తోంది. చైనాలో వసూళ్ల ప్రభంజనం కొనసాగిస్తున్న ఈ చిత్రం ఇప్పటికే అక్కడ రూ.1100 కోట్ల మార్కుకు చేరువగా వెళ్లింది. వరల్డ్ వైడ్ వసూళ్లు రూ.1850 కోట్లను దాటాయి. చైనాలో నెల రోజుల తర్వాత కూడా దంగల్ నిలకడగా వసూళ్లు సాధిస్తుండటం.. అక్కడ జులై 4 వరకు సినిమాను ప్రదర్శించుకునేందుకు నెల రోజుల అదనపు గడువు ఇవ్వడంతో దంగల్ రూ.2 వేల కోట్ల మైలురాయిని ఈజీగానే దాటేసే అవకాశముంది. చైనాలో హాలీవుడ్ సినిమాల వసూళ్లను కూడా దాటేసి బాక్సాఫీస్ ను షేక్ చేస్తోంది దంగల్.

Related News

స్టార్ ప్రొడ్యూస‌ర్ ఎం.ఎస్‌.రాజు చేతుల మీదుగా `రైట్ రైట్` మేకింగ్ వీడియో విడుద‌ల‌

రెహమాన్ ఓ వెరైటీ కామెంట్

రాజమౌళి అండ్ కో అక్కడ దిగిపోయింది

కబాలి కోసం అంజలి చిత్ర షూటింగ్ రద్దు