గౌతమీపుత్ర శాతకర్ణి కంటే ముందు నందమూరి బాలకృష్ణ కెరీర్లో బిగ్గెస్ట్ హిట్.. లెజెండ్. సూపర్ హిట్ టాక్ తో మొదలైన ఈ చిత్రం ఫుల్ రన్లో రూ.40 కోట్ల దాకా వసూలు చేసింది. శాటిలైట్ ఇతరత్రా రైట్స్ అన్నీ కలుపుకుంటే ఆ సినిమా రూ.50 కోట్ల దాకా తెచ్చిపెట్టింది. ఈ నేపథ్యంలో గౌతమీపుత్ర శాతకర్ణి చిత్రాన్ని క్రిష్ రూ.70 కోట్ల బడ్జెట్లో తీయబోతున్నాడన్న ప్రకటన రాగానే అందరూ షాకైపోయాడు. ఇది చాలా పెద్ద రిస్కే అన్నారు. ఐతే కమర్షియల్ గా వర్కవుటవుతుందో లేదో చూసుకోకుండా సాహసం చేయడానికి క్రిష్ ఏం అంత తెలివి తక్కువ వాడు కాదు కదా. ఈ చిత్రం ఇప్పుడు క్లోజింగ్ లో రికవర్ చేసిన మొత్తం ఎంతో తెలిస్తే ఎవరైనా షాక్ తింటారు.

థియేట్రికల్ కలెక్షన్లతో పాటు డిజిటల్ రైట్స్.. శాటిలైట్.. ఆడియో.. డీవీడీ.. డిజిటల్.. ఇతరత్రా హక్కులన్నీ కలిపితే గౌతమీపుత్ర శాతకర్ణి రూ.77 కోట్లు వసూలు చేసిందని అంచనా. ఈ చిత్రం వరల్డ్ వైడ్ రూ.50 కోట్ల షేర్ మార్కును టచ్ చేసిన సంగతి తెలిసిందే. మొదట ఈ చిత్ర బడ్జెట్ రూ.70 కోట్లన్నారు కానీ.. రూ.55 కోట్లకు అటు ఇటుగా ఖర్చయినట్లు సమాచారం. ఆ రకంగా చూస్తే నిర్మాతలకు కనీసం రూ.20 కోట్ల లాభం వచ్చిందన్నమాట. ఈ చిత్రానికి రెండు తెలుగు రాష్ట్రాలు వినోద పన్ను మినహాయింపు కూడా ఇచ్చిన సంగతి తెలిసిందే. ఆ రకంగా కూడా నిర్మాతలకు అదనపు లాభం వచ్చినట్లే. గురువారంతో శాతకర్ణి 50 రోజుల థియేట్రికల్ రన్ పూర్తి చేసుకోనుంది

Related News

ఇంటర్ నేషనల్ మూవీ ఫెస్టివల్స్ కి పంపనున్నారట.

సినిమా స్థాయిని పెంచేలా మ్యూజిక్ ఇవ్వగలడు

శర్వానంద్ దిల్ రాజు ల శతమానం భవతి ప్రారంభం

సన్నీ లియోన్ కామెంట్స్ కు సారీ చెప్పాడు వర్మ