'టెంపర్' హిట్టుతో మంచి జోష్ మీదున్న ఎన్టీఆర్ తన తదుపరి చిత్రానికి రెడీ అవుతున్నాడు. సుకుమార్ దర్శకత్వంలో రూపొందే ఈ చిత్రం షూటింగ్ వచ్చే నెల 3న హైదరాబాదులో మొదలవుతుంది. నవంబర్ నెలాఖరు వరకు కంటిన్యూస్ గా షూటింగ్ జరిపి నిర్మాణాన్ని పూర్తి చేస్తారు. వచ్చే ఏడాది సంక్రాంతికి దీనిని రిలీజ్ చేయడానికి డేట్ కూడా ఫిక్స్ చేసుకున్నారు. బీవీయస్ఎన్ ప్రసాద్ నిర్మించే ఈ చిత్రంలో రకుల్ ప్రీత్ సింగ్ కథానాయికగా నటిస్తుంది. దేవీశ్రీ ప్రసాద్ సంగీతం సమకూరుస్తాడు. కాగా, ఇది ఎన్టీఆర్ కు 25వ చిత్రం కావడం విశేషం. అందుకే, పలు ప్రత్యేకతలతో దీనిని భారీ చిత్రంగా నిర్మించడానికి ప్లాన్ చేస్తున్నారు.
ntr, sukumar, rakulpreet, tollywood, newmovie, sankrantirelease,