బాహుబలి: ది కంక్లూజన్ ముగింపు దశకు వచ్చేసింది. ఆల్రెడీ షూటింగ్ పూర్తి చేసుకుని.. పోస్ట్ ప్రొడక్షన్ పనులు కూడా జరుపుకుంటోంది. ఇంకో రెండు నెలల్లో సినిమా ప్రేక్షకుల ముందుకొచ్చేస్తుంది. విడుదల తర్వాత ఒక నెల రోజుల పాటు రాజమౌళి ఈ సినిమా కోసమే సమయం కేటాయించాల్సి ఉండొచ్చు. మరి ఆ తర్వాత జక్కన్న ఏం చేయబోతున్నాడు.. ఇప్పుడు అందరిలోనూ ఆసక్తి రేకెత్తిస్తున్న ప్రశ్న ఇది. ఈ మధ్య ప్రచారం జరిగినట్లు మహాభారతం సినిమానే చేయబోతున్నాడా.. లేదా వేరే ప్రాజెక్టు ఏదైనా తెరమీదికి తేనున్నాడా..? ఈ ప్రశ్నలకు సమాధానం రాజమౌళి మాటల్లోనే తెలుసుకుందాం పదండి.

బాహుబలి తర్వాత నేను మహాభారతం తీసేయబోతున్నట్లు ప్రచారం జరుగుతోంది. అది నిజం కాదు. నేను ఇంతకుముందే చాలాసార్లు చెప్పాను. మహాభారతం చేయాలంటే నాకు ఇంకో పదేళ్లు పడుతుందని. ఆ సినిమా చేయడానికి నాకు ఇంకా అనుభవం కావాలి. పదేళ్ల తర్వాత అప్పటి టెక్నాలజీ ఎలా ఉందో చూసుకుని.. కొత్త టెక్నాలజీని ఆకళింపు చేసుకుని సినిమా చేస్తాను. అంతే తప్ప ఇప్పటికిప్పుడు ఈ సినిమా చేయను. ప్రస్తుతానికి బాహుబలి తర్వాత ఏంటన్నది నాకే తెలియదు. ఇంకా ఏమీ అనుకోలేదు. ముందు బాహుబలి ని విడుదలకు సిద్ధం చేయాలి. విడుదల తర్వాత రెండు మూడు వారాలు ప్రమోషన్ కార్యక్రమాల్లో పాల్గొనాలి. ఆ తర్వాత నేను రెక్కలు కట్టుకుని ఎగిరిపోతాను. వెకేషన్ కు వెళ్లాలని ఆత్రుతగా ఎదురు చూస్తున్నాను

Related News

ముంబై లో ఇల్లు రెడీ చేసుకున్నాను

సరైనోడు రీషూట్స్ పై టెన్షన్ వద్దు

బహిరంగ సభ మీద వాడు. వాడు.. ఆ అక్కుపక్షి లాంటి తిట్లను ఓపెన్ గా తిట్టేశారు

పవర్ స్టార్ పవన్ కళ్యాణ్ ఫాలోయింగేంటో మరోసారి రుజువైంది.