తెలంగాణ రాష్ట్రం సిద్ధించేందుకు ముందు.. ఉమ్మడి ఏపీలో జరిగిన పరిస్థితులను టచ్ చేసేందుకు సినిమా వాళ్లు అంతగా సాహసించరు. ఎటువైపు మొగ్గినా రెండో ప్రాంతం నుంచి వ్యతిరేకత వస్తుందనే భయం.. కలెక్షన్స్ పై ఇది ప్రభావం చూపితే నష్టపోయే అవకాశం ఉండడంతో.. ఈ ఇంట్రెస్టింగ్ టాపిక్ ని టాలీవుడ్ జనాల లైట్ తీసుకున్నారు.

కానీ ఆంధ్రా-తెలంగాణ అన్న కాన్సెప్ట్ కి లవ్ స్టోరీని మిక్స్ చేసి.. మొదటిసారిగా ఆనాటి పరిస్థితులను బేస్ చేసుకుని 'జయమ్ము నిశ్చయమ్మురా' తెరకెక్కింది. సినిమా కోసం 2013నాటి పరిస్థితులను రీక్రియేట్ చేస్తున్నారు. కమెడియన్ శ్రీనివాస రెడ్డి హీరోగా.. పూర్ణ హీరోయిన్ గా నటిస్తున్న ఈ మూవీలో.. కరీంనగర్ పోరడిగా హీరో పాత్ర- కాకినాడ అమ్మాయిగా హీరోయిన్ రోల్ ఉంటాయి. తెలంగాణ ఉద్యమం పీక్ స్టేజ్ లో ఉండే 2013నాటి సిట్యుయేషన్స్ ను.. ఈ ప్రేమకథలో సున్నితంగా తీశామని చెబుతున్నారు జయమ్ము నిశ్చయమ్మురా యూనిట్.

ఎన్నారైలు.. తమిళమ్మాయిలు.. బెంగాలీ బాబులు లాంటి చాలా థీమ్ లు తెలుగు సినిమా తెరపై కనిపించాయి కానీ.. మొదటిసారిగా ఇలా ఏపీ-తెలంగాణ జంట టాలీవుడ్ స్క్రీన్ కనిపించబోతోంది. గతంలో ఓసారి 'ఆంధ్రా పోరి' అంటూ ఆకాష్ పూరి సినిమా ఒకటి వచ్చింది కానీ.. మరాఠి మూవీ టైమ్ పాస్ రీమేక్ కి.. ఇక్కడ ఆసక్తి కలిగించడానికి తప్ప.. ఆ టైటిల్ కి సినిమాకి సంబంధం ఉండదు

Related News

మెగా ఫ్యామిలీ నుంచి మరో హీరో

ఊపిరి మాలో నమ్మకాన్ని మరింత పెంచింది - కింగ్‌ నాగార్జున

మణికంఠన్ దర్శకత్వంలో సంతానం

ట్వింకిల్ ఖన్నా సైతం ఈ లుక్ చూసి జడుసుకుందట