అజ్ఞతవాసి రిలీజ్ కి ఇంకా నెల రోజులకు పైగానే సమయం ఉంది. సినిమా షూటింగ్ దాదాపుగా పూర్తి కాగా.. బ్యాలెన్స్ ఉన్న సీన్స్ ను ప్రస్తుతం హైద్రాబాద్ లో షూట్ చేస్తున్నారు. త్రివిక్రమ్ శ్రీనివాస్ దర్శకత్వంలో తెరకెక్కుతున్న ఈ చిత్రంపై ఉన్న అంచనాలు అన్నీ ఇన్నీ కావు.
ఇక ఓవర్సీస్ లో కూడా అజ్ఞాతవాసి బజ్ బిగిన్ అయిపోయింది. పవర్ స్టార్ తో మాటల మాంత్రికుడు చేసిన మాయపై అందరూ ఎక్కువగానే హోప్స్ పెట్టుకున్నారు. ఈ చిత్రం ఓవర్సీస్ హక్కులను భారీ రేట్లకే విక్రయించారట. పైకి చెప్పడం లేదు కానీ.. ఈ ఫిగర్ చాలా ఎక్కువ అనే టాక్ ఉంది. ఈ మొత్తాన్ని రాబట్టుకునేందుకు రిలీజ్ కూడా భారీగానే ప్లాన్ చేస్తున్నారు. సినిమార్క్ ఒక్కటే 209 లొకేషన్స్ లో అజ్ఞాతవాసి చిత్రాన్ని ప్రదర్శించనుంది. ఏ తెలుగు చిత్రానికి అయినా సరే.. ఇది చాలా పెద్ద ఫిగర్ కావడం హైలైట్ అవుతోంది.
రిలీజ్ సమయానికి ఈ కౌంట్ మరింతగా పెరుగుతుందనే అంచనాలు ఉన్నాయి. ఓవరాల్ గా ఓవర్సీస్ రికార్డులు అన్నిటిపైనా అజ్ఞాతవాసి కన్నేసిందనే టాక్ అయితే గట్టిగానే వినిపిస్తోంది. మరోవైపు.. తెలుగు రాష్ట్రాల్లో కూడా ఈ చిత్రాన్ని భారీగానే రిలీజ్ చేస్తున్నారు. టికెట్ రేట్లు పెంచి మరీ విడుదల చేయనున్నారనే అంచనాలు.. సంక్రాంతి సీజన్ కు విడుదల అవుతున్న వైనం చూస్తే.. ఇక్కడి రికార్డులపై కూడా పవన్ పవర్ చూపే అవకాశాలు ఎక్కువగానే ఉన్నాయి.