డీజేకి సంబంధించి ఓ ఇంట్రెస్టింగ్ అప్ డేట్
06-Oct-2016 14:16:10
స్టైలిష్ స్టార్ అల్లు అర్జున్ సరైనోడుతో ఇండస్ట్రీ హిట్ కొట్టేశాక.. బాగానే గ్యాప్ తీసుకున్నాడు. నెక్ట్స్ ప్రాజెక్ట్ ఫైనల్ చేయడానికే నాలుగు నెలలు పట్టగా.. ఎట్టకేలకు హరీష్ శంకర్ డైరెక్షన్ లో 'డీజే - దువ్వాడ జగన్నాధం' చేస్తున్నట్లు అఫీషియల్ గానే అనౌన్స్ చేసేశారు. ఇప్పటికే ప్రీ ప్రొడక్షన్ పనులు ఫైనల్ స్టేజ్ కు చేరుకోగా.. ఇప్పుడు డీజేకి సంబంధించి ఓ ఇంట్రెస్టింగ్ అప్ డేట్ తెలుస్తోంది.
హరీష్ శంకర్ మరోసారి ఫుల్ ప్లెడ్జెడ్ గా కామెడీని.. పంచ్ డైలాగ్స్ నే నమ్మకున్నాడని తెలుస్తోంది. పైగా ఈ మూవీలో బన్నీ ఓ బ్రాహ్మిన్ పాత్ర పోషిస్తున్నాడట. అదుర్స్ లో ఎన్టీఆర్ చేసిన 'చారి' పాత్రకు దగ్గరగా ఈ రోల్ ఉంటుందనే టాక్ వినిపిస్తోంది. మరోవైపు దువ్వాడ జగన్నాధంగా అల్లు అర్జున్ మరోసారి సిక్స్ ప్యాక్ ను చూపించబోతున్నట్లు చెబుుతున్నారు. డీజేకి సంబంధించిన ఎక్కువ భాగం షూటింగ్ హైద్రాబాద్ లోనే చేయనున్నారట.
ఈ ప్రాజెక్ట్ పై బన్నీ చాలా కాన్ఫిడెంట్ గా ఉన్నాడు. హరీష్ శంకర్ చెప్పిన లైన్ కి ఫ్లాట్ అయిపోవడంతో లింగుస్వామితో అనుకున్న మూవీని కూడా.. హోల్డ్ లో పెట్టేశాడు. రామయ్యా వస్తావయ్యాతో బ్యాడ్ టైమ్ ఎదుర్కున్న ఈ డైరెక్టర్.. సుబ్రమణ్యం ఫర్ సేల్ తో మళ్లీ ట్రాక్ లోకి వచ్చాడు కానీ.. తన స్థాయికి తగిన సినిమా తీయలేదు. ఇప్పుడు బన్నీతో హిట్ కొట్టేసి ఇండస్ట్రీలో టాప్ డైరెక్టర్ల సరసన చేరిపోయేందుకు.. హరీష్ శంకర్ గట్టిగానే ట్రై చేస్తున్నట్లు టాక్.
Related News
