ఇది మాటలకందని అద్భుతం. బాహుబలి కి మాత్రమే సాధ్యమైన ఘనత. కేవలం 24 గంటల వ్యవధిలో బాహుబలి: ది కంక్లూజన్ ట్రైలర్.. కనీ వినీ ఎరుగని స్థాయిలో యూట్యూబ్ లో విధ్వంసమే సృష్టించింది. కేవలం తెలుగు ట్రైలర్ మాత్రమే ఒక్క రోజులో 2 కోట్లకు పైగా వ్యూస్ తెచ్చుకుని ప్రకంపనలు సృష్టించింది. నిన్న ఉదయం 10 గంటలకు ట్రైలర్ రిలీజైతే.. కేవలం ఏడున్నర గంటల్లోనే కోటి మార్కును అందుకోగా.. ఆ తర్వాత కూడా అదే జోరు కొనసాగించి... ఈ రోజు ఉదయం 10 గంటల సమయానికి 2 కోట్ల 10 లక్షల వ్యూస్ పూర్తి చేసుకుంది బాహుబలి-2 తెలుగు ట్రైలర్. ఈ ట్రైలర్ కు ఏకంగా 5 లక్షల లైక్స్ రావడం విశేషం. ఒక తెలుగు ట్రైలర్ కు ఈ స్థాయిలో రెస్పాన్స్ ఉంటుందని ఎవ్వరూ అనుకుని ఉండరు.

మిగతా మూడు భాషల్లోనూ బాహుబలి: ది కంక్లూజన్ ట్రైలర్ అదరగొడుతోంది. హిందీ ట్రైలర్ కూడా కోటి మార్కును దాటేసింది. 24 గంటల్లో ఈ ట్రైలర్ ఒక కోటి 10 లక్షల వ్యూస్ సాధించడం విశేషం. తమిళ ట్రైలర్ 50 లక్షల వ్యూస్ తెచ్చుకుంది. మలయాళ ట్రైలర్ కూడా దాని స్థాయిలో అది అదరగొట్టింది. ఆ ట్రైలర్ 6 లక్షల వ్యూస్ మార్కుకు దగ్గరగా ఉంది. మొత్తంగా 24 గంటల్లో రెండున్నర కోట్లకు పైగా వ్యూస్ సాధించి ఔరా అనిపించింది ‘ది కంక్లూజన్’ ట్రైలర్. ఇంకో వారం రోజులైనా ఈ ట్రైలర్ జోరు కొనసాగే అవకాశముంది. అన్ని భాషల్లో కలిపి 5 కోట్ల వ్యూస్ పూర్తి చేసుకున్నా ఆశ్చర్యం లేదు.

Related News

జయమ్ము నిశ్చయమ్మురా ప్రమోషన్లలో భాగంగా మీడియాతో

ఈ మధ్యన ప్రొడ్యసర్లకు స్టార్ హీరోలు ఇస్తున్న ట్వీట్ క్లారిటీలు

ఎలాగైనా తెలుగులో చేయాలని అమ్మడు ఆశపడుతోందట.

కట్టప్పను కూడా వదల్లేదుగా..