బాలయ్య కథ ముగిసిందంటే మరోలా అనుకోకండి. బాలయ్య కెరీర్లో ప్రతిష్టాత్మకంగా తెరకెక్కుతున్న గౌతమీపుత్ర శాతకర్ణి విషయంలో ఆయన పని ముగిసింది. ఈ సినిమా షూటింగ్ కు తెరపడింది. టాకీ పార్ట్ ఇప్పటికే పూర్తి కాగా.. రామోజీ ఫిలిం సిటీలో చిత్రీకరించిన చివరి పాటతో షూటింగ్ మొత్తం అవగొట్టేశాడు క్రిష్. బాలయ్య-శ్రియల మీద ఒక రొమాంటిక్ సాంగ్ ను బృంద మాస్టర్ నేతృత్వంలో చిత్రీకరించాడు క్రిష్. మూడు రోజుల వ్యవధిలోనే ఈ పాట పూర్తయినట్లు సమాచారం. దీంతో షూటింగ్ పార్ట్ అంతా అయిపోయింది. ఓవైపు షూటింగ్ చేస్తూనే మరోవైపు పోస్ట్ ప్రొడక్షన్ కార్యక్రమాల్ని కూడా పర్యవేక్షిస్తున్నాడు క్రిష్. ఆ పని సమాంతరంగా సాగుతోంది.

మొదట్నుంచి పక్కా ప్లాన్ తో సాగుతున్న క్రిష్ సినిమాను ఎట్టి పరిస్థితుల్లోనూ సంక్రాంతికే రిలీజ్ చేయాలన్న పట్టుదలతో ఉన్నాడు. యుద్ధ సన్నివేశాలకు సంబంధించి భారీ ఖర్చుతో గ్రాఫిక్స్.. విజువల్ ఎఫెక్ట్స్ జోడిస్తున్నారు. ఫేమస్ టెక్నీషియన్ ఆధ్వర్యంలో ఆ పని నడుస్తోంది. అంతా అనుకున్న ప్రకారమే జరుగుతుండటంతో సినిమా సంక్రాంతికి రావడం పక్కా అని సమాచారం. డిసెంబరు 9న ?గౌతమీ పుత్ర శాతకర్ణి? ట్రైలర్ ను ప్రపంచవ్యాప్తంగా వంద థియేటర్లలో ఒకేసారి లాంచ్ చేయబోతున్నారు. 16న ఆడియో విడుదలవుతుంది. ఆ తర్వాత ప్రమోషన్లు భారీ స్థాయిలో చేసి సంక్రాంతి కానుకగా ఈ చిత్రాన్ని ప్రేక్షకుల ముందుకు తేనున్నారు. ఈ చిత్రాన్ని క్రిష్ తన సొంత బేనర్లో నిర్మిస్తున్న సంగతి తెలిసిందే.

Related News

జనతా గ్యారేజ్ లో స్పెషల్ సాంగ్ చేయనున్న స్టార్ హీరోయిన్

సింగపూర్ సైమాలో చిరు మెరుపులు

అందుకే కొరటాలకు ఓకే చెప్పేశాడు

తెలుగు పాట పాడిన తమిళ హీరో