బాలయ్య వందో సినిమా లాంచ్‌కు అంతా సిద్ధం!
07-Apr-2016 11:16:42
నందమూరి నటసింహం బాలకృష్ణ హీరోగా నటించబోయే 100వ సినిమా గత కొద్దికాలంగా హాట్ టాపిక్‌గా నిలుస్తూ వస్తోన్న విషయం తెలిసిందే. మొదట్లో ఈ సినిమా కోసం ఎందరో దర్శకుల పేర్లు వినిపించగా, చివరకు విలక్షణ దర్శకుడు క్రిష్‌కి ఓటేసి బాలయ్య వందో సినిమాను మరచిపోలేని సినిమాగా నిలిపేందుకు ప్రయత్నాలు చేసుకుంటున్నారు. ఓ చారిత్రక నేపథ్యం ఉన్న కథతో తెరకెక్కనున్న ఈ సినిమా రేపు ఉగాది పర్వదినం సందర్భంగా వైభవంగా ప్రారంభం కానుంది.
ఆంధ్రప్రదేశ్ రాజధాని అమరావతిలోని బుద్ధ విగ్రహం వద్ద ఉదయం 10:30గంటలకు బాలయ్య స్వయంగా సినిమాను ప్రకటించనున్నారు. భారీ విజువల్ ఎఫెక్ట్స్‌తో తెరకెక్కే ఈ చారిత్రక నేపథ్యమున్న సినిమా అయితేనే తన 100వ సినిమాకు సరిగ్గా సరిపోతుందని, బాలయ్య, క్రిష్ సినిమాను ఫైనల్ చేశారట. క్రిష్ తన ఫస్ట్ ఫ్రేం ఎంటర్‌టైన్‌మెంట్స్ బ్యానర్‌పై స్వయంగా నిర్మించనున్న ఈ సినిమాకు సంబంధించిన పూర్తి వివరాలను టీం రేపు ప్రకటించనుంది.
Related News
