ఇప్పటికే బాలీవుడ్లో బోలెడు బయోపిక్స్ వచ్చాయి. ఐతే వాటన్నింటినీ ఎం.ఎస్.ధోని.. ది అన్ టోల్డ్? స్టోరీ కొట్టేస్తుందనడంలో ఎవరికీ సందేహాలు లేవు. ధోని సినిమా చూడ్డానికి ప్రేక్షకులు ఎంతగా తపించి పోతున్నారో ఆ సినిమా ట్రైలర్ కు వచ్చిన రెస్పాన్సే నిదర్శనం. ఏకంగా ఇప్పటికే 2 కోట్ల మంది ఈ ట్రైలర్ వీక్షించారు. ఈ సినిమాకు బిజినెస్ కూడా ఓ రేంజిలో జరిగింది. బాలీవుడ్ సూపర్ స్టార్ల సినిమాలకు ఏమాత్రం తీసిపోని రీతిలో బిజినెస్ చేసిందీ సినిమా. ప్రేక్షకుల్లో ఆసక్తి కూడా స్టార్ హీరోల సినిమాలపై ఉన్నట్లే ఉంది. ఈ నెల 30న భారీ అంచనాల మధ్య ప్రేక్షకుల ముందుకు రాబోతోంది ?ఎం.ఎస్.ధోని?.

ఈ నేపథ్యంలో ధోనికి తన సినిమాను చూపించారట. ప్రివ్యూ షో చూసి ధోని కదిలిపోయాడట. ఈ విషయాన్ని ధోని పాత్ర పోషించిన సుశాంత్ సింగ్ రాజ్ పుతే వెల్లడించాడు. ??ధోని నాతో కలిసి సినిమా చూశాడు. మధ్యలో బాగా నవ్వుతూ కనిపించాడు. చివరికి వచ్చేసరికి అతను కదిలిపోయాడు. ఓ 15 నిమిషాల పాటు ఎవరితోనూ మాట్లాడలేదు. చాలా ఉద్వేగంగా కనిపించాడు?? అని సుశాంత్ చెప్పాడు. ఇక తన సినిమా గురించి ధోని మాట్లాడుతూ.. ??ఈ సినిమాలో నన్ను గొప్పగా చూపించొద్దని.. ఉన్నదున్నట్లు వాస్తవికంగా చూపించాలని దర్శకుడు నీరజ్ పాండేకు ముందే చెప్పాను. ఓ ప్రొఫెషనల్ క్రీడాకారుడి జీవితాన్ని అలా చూపిస్తేనే బాగుంటుంది. ధోని సినిమా చూస్తుంటే నా జీవితంలోని అనుభవాలన్నింటినీ ఒకసారి స్పృశించినట్లు అనిపించింది. మంచి అనుభూతి కలిగింది?? అని ధోని అన్నాడు.

Related News

బాలీవుడ్ ఎంట్రీపై నోరు విప్పిన మహేష్

సోషల్ మీడియాలో కొన్ని కామెంట్స్ వినబడ్డాయి.

జలపాతం దగ్గర జోరుగా

ఆ అనుభవాన్ని గుర్తు చేసుకున్నాడు సుకుమార్