ఒక లేడీ ఓరియెంటెడ్ సినిమా మీద ఏకంగా రూ.70 కోట్లు ఖర్చు పెట్టి పెద్ద ముప్పు ముంగిట నిలిచాడు. తేడా వస్తే గుణశేఖర్ పరిస్థితి దారుణంగా ఉండేదే. ఐతే అదృష్టవశాత్తూ ఆ సినిమా మంచి వసూళ్లే రాబట్టింది. గుణను స్వల్ప నష్టాలతో బయటపడేసింది. ఈ ఉత్సాహంలో మళ్లీ ఓ భారీ ప్రయత్నానికి రెడీ అయిపోయాడు గుణ. ఈసారి కూడా సొంత బేనర్లో భక్త ప్రహ్లాద కథతో సినిమా చేయనున్నట్లు ప్రకటించాడు. ఐతే అనౌన్స్ మెంట్ తర్వాత దీని గురించి అప్ డేట్ లేదు. ఇప్పుడు ఈ సినిమా వివరాలు కొంచెం మీడియాతో పంచుకున్నాడు గుణశేఖర్.

గుణశేఖర్ తన కుటుంబంతో కలిసి తిరుమల శ్రీవారిని సందర్శించుకున్న సందర్భంగా మీడియాతో మాట్లాడాడు. భక్త ప్రహ్లాద కథతో తీయబోయే సినిమాకు స్క్రిప్టు పూర్తి చేసినట్లు గుణశేఖర్ వెల్లడించాడు. ఐతే ఈ సినిమాకు ‘భక్త ప్రహ్లాద’ అనేది టైటిల్ కాదని.. పేరేంటో ఇంకా నిర్ణయించలేదని చెప్పాడు. త్వరలోనే ప్రి ప్రొడక్షన్ కార్యక్రమాలు మొదలవుతాయని.. ఈ నేపథ్యంలో శ్రీవారిని దర్శించుకున్నానని గుణ తెలిపాడు. ఈ చిత్రంలో నటీనటులెవరు.. సాంకేతిక నిపుణులెవరు అన్నది ఇంకా నిర్ణయించలేదని.. త్వరలోనే ఆ వివరాలు చెబతానని అన్నాడు గుణ. రుద్రమదేవి తరహాలోనే ఈ చిత్రాన్ని కూడా భారీ స్థాయిలో తెరకెక్కిస్తానని.. దానికి దీటుగా సినిమా ఉంటుందని చెప్పాడు.

Related News

ఇప్పుడు నాని దగ్గర సెర్చింగ్ ఆపాడని అంటున్నారు

బాలయ్య సింప్లిసిటీకి హ్యాట్సాఫ్

ఇప్పుడు వరుసగా రెండో ఎదురు దెబ్బ

కోలీవుడ్ డబ్బింగ్ సినిమా కాష్మోరా కరెక్ట్ గా క్యాష్ చేసేసుకుంది.