వామ్మో.. కబాలిపై ఇంత క్రేజా
12-Jun-2016 11:33:36
రజినీకాంత్ నటిస్తున్న కబాలి సినిమాపై అంచనాలైతే భారీగానే వున్నాయని మొదట రిలీజ్ చేసిన టీజర్ యు ట్యూబ్ హిట్ల రికార్డే చెబుతుంది. సూపర్ స్టార్ ఈ మధ్య కాలంలో కనిపించనంత స్టైలిష్ గా కనిపించడం ఈ సినిమాకు ప్రధాన ఆకర్షణ.
రంజిత్ పా దర్శకత్వం వహిస్తున్న ఈ సినిమాపై భారీ అంచనాలు ఏర్పడడంతో అతను ఈ సినిమాను ఎలా డీల్ చేస్తాడా అన్న ఆసక్తి నెలకొంది. అయితే రోజురోజుకూ ఆ క్రేజ్ రెట్టింపవ్వడం గమనార్హం. నిజానికి ఈ సినిమాకు సంబంధించిన 35సెకన్ల టీజర్ ఈరోజు విడుదల కావాల్సివుంది. అయితే ఆ టీజర్ యొక్క తమిళ ఆడియో వెర్షన్ నిన్న లీకయ్యి సంచలన రీతిలో షేర్ అవ్వడం ఆశ్చర్యకరం.
వచ్చానని చెప్పు - నేనోచ్చానని చెప్పు.. పాతిక సంవత్సరాల క్రితం ఎలా వున్నానో అలానే తిరిగి వచ్చానని చెప్పు..కబాలి రా అంటూ రజినీ యునీక్ మార్క్ లో చెప్పబోయే డైలాగును ఆలోచించుకుంటూ అభిమానులు వెర్రెక్కిపోతున్నారు. ఇదంతా చూస్తుంటే పెట్టిన టైటిల్ కరెక్టే అనిపిస్తుంది కదూ..
Related News
