పోలీస్ పాత్ర కోసమని ఓ పోలీస్ అధికారిని కలిశాడట కార్తి
07-Nov-2017 12:22:52
పోలీస్ కథలతో తెరకెక్కే సినిమాలు చాలా వరకు ఫిక్షన్లే అయి ఉంటాయి. వాస్తవ ఘటనలతో తెరకెక్కే పోలీస్ స్టోరీలు అరుదు. తమిళ కథానాయకుడు కార్తి హీరోగా తెరకెక్కిన ఖాకి ఈ కోవలోని సినిమానే. తమిళ.. తెలుగు భాషల్లో ఈ నెల 17న ప్రేక్షకుల ముందుకు రానున్న ఈ సినిమా వాస్తవ సంఘటనల ఆధారంగా తెరకెక్కినట్లు పోస్టర్ మీదే పేర్కొన్న సంగతి తెలిసిందే. ఇంతకీ ఆ ట్రూ స్టోరీ ఏంటి అన్నది కార్తి ఓ ఇంటర్వ్యూలో వివరించాడు.
కార్తి గతంలో విక్రమార్కుడు రీమేక్ సిరుత్తై లో నటించాడు. ఆ సినిమాలో పోలీస్ పాత్ర కోసమని ఓ పోలీస్ అధికారిని కలిశాడట కార్తి. ఆయన డీల్ చేసిన ప్రత్యేకమైన కేసుల గురించి చెప్పమంటే.. సీరియల్ హత్యలకు సంబంధించిన కేసును పదేళ్ల ఇన్వెస్టిగేషన్ తర్వాత ఎలా ఛేదించిందీ వివరించాడట. ఒక్క క్లూ కూడా దొరకని ఆ కేసును తన టీంతో కలిసి ఆయన ఛేదించిన తీరు ఆశ్చర్యపరిచిందని చెప్పాడు.
ఐతే ఇంతకంటే ఆశ్చర్యకరంగా కొన్నేళ్ల తర్వాత దర్శకుడు వినోద్ ఈ కేసు నేపథ్యంలో కథ రాసుకుని తనను కలిశాడని చెప్పాడు కార్తి. ఈ కథకు వెంటనే తాను ఓకే చెప్పి సినిమా చేశానని.. అదే ఖాకి అని అతను తెలిపాడు.
Related News
