బెజవాడ నేపథ్యంగా మహేష్ మూవీ
02-May-2015 09:39:02
విజయవాడ నేపథ్యంలో ఎన్నో సినిమాల చిత్రీకరణ జరిగింది. ఇక్కడి స్థల మహాత్మ్యం విజయంతో ముడిపడి వుండటం వల్లనేమో చాలా సినిమాలు విజయవంతమయ్యాయి. మరి కొన్ని సినిమాలకు భారీస్థాయి గుర్తింపు లభించింది. కథాపరంగా కూడా కొన్ని సినిమాలు ఇక్కడ తెరకెక్కుతూ వుంటాయి. తాజాగా ఈ జాబితాలో మహేష్ బాబు సినిమా 'బ్రహ్మోత్సవం' చేరినట్టు సమాచారం అందుతోంది. బంధాలు .. భావోద్వేగాలు ... యాక్షన్ దృశ్యాలు ఈ సినిమాలో ప్రేక్షకులను కదిలించనున్నాయి.
విజయవాడ నేపథ్యంతో కూడిన కథను శ్రీకాంత్ అడ్డాల తయారు చేసుకున్నాడు. అందువలన కీలకమైన సన్నివేశాల చిత్రీకరణ ఇక్కడ జరిగే అవకాశముంది. విజయవాడ నేపథ్యంలో చిత్రీకరణ జరుపుకున్న సినిమాలు విజయోత్సవాలు జరుపుకున్నాయి. ఆ సెంటిమెంట్ తప్పకుండా ఈ సినిమా విషయంలోను వర్కౌట్ కావాలని అభిమానులు ఆశిస్తున్నారు. కృష్ణ పుట్టినరోజు సందర్భాన్ని పుస్కరించుకుని మే 31న ఈ సినిమా షూటింగ్ ను ఆరంభించేందుకు సన్నాహాలు చేస్తున్నారు.
Related News
