ఆ భామకి మరో ఛాన్స్ ఇచ్చిన విష్ణు
10-Dec-2015 18:17:16
సోనారికా భడోరియాకి మరో ఛాన్స్ ఇస్తున్నాడు మంచు వారబ్బాయి. హిందీ టీవీ సీరియల్స్ తో ప్రేక్షకులకు బాగా దగ్గరైన సోనారిక.. టాలీవుడ్ లో ఇప్పటికే అరంగేట్రం చేసేసింది. నాగశౌర్యతో కలిసి జాదూగాడు మూతో తెలుగు ప్రేక్షకులను పలకరించింది. అయితే.. ఈ సినిమా ఆశించిన హిట్ కాకపోయినా.. ఈ భామకు అవకాశాలను మాత్రం బాగానే తెచ్చిపెట్టింది.
గ్లామర్ - పెర్ఫామెన్స్ రెండింటిలోనూ సత్తా చాటుతుండడంతో.. గబగబా ప్రాజెక్టులు సైన్ చేసేసింది. కుర్రాళ్లు కూడా బాగానే అవకాశాలు ఇచ్చారు ఈ చిన్నదానికి. ఇప్పటికే బెల్లకొండ సాయి మూవీతో పాటు.. మంచు విష్ణు సరసన కూడా "శారద"చిత్రంలో సోనారిక నటిస్తోంది. ఇప్పుడీ భామను విష్ణు-రాజ్ తరుణ్ కలిసి చేస్తున్న మల్టీ స్టారర్ మూవీలో కూడా తీసుకోవడం విశేషం. ఈ మూవీలో కూడా విష్ణు సరసనే నటించనుంది సోనారిక. జి.నాగేశ్వర రెడ్డి దర్శకత్వం వహించనున్న ఈ మూవీకి.. అనిల్ సుంకర నిర్మాణం వహించనున్నారు. శారద మూవీలో సోనారిక యాక్టింగ్ ట్యాలెంట్ చూసిన దర్శకనిర్మాతలు.. తమ చిత్రానికి కూడా సైన్ చేయించుకున్నారట.
నిజానికి ఈ రోల్ ని ముందు అమైరా దస్తూర్ చేస్తుందని చెప్పారు. కానీ ఆమె మూవీ నుంచి తప్పుకోవడంతో.. ఇప్పుడు సోనారికను అవకాశం వెతుక్కుంటూ వచ్చింది. మొత్తానికి మంచు క్యాంప్ లో సోనిరికా భడోరియా బాగానే పాగా వేసింది.
Related News
