అసలు కారణమేంటో నాగ్ వివరించాడు.
29-Aug-2017 14:43:51
కొత్త సినిమా అఖిల్ ఫస్ట్ లుక్ పోస్టర్ అఫీషియల్ గా లాంచ్ కాకముందే సోషల్ మీడియాలోకి వచ్చేసిన సంగతి తెలిసిందే. తమ ప్రమేయం లేకుండా ఫస్ట్ లుక్ బయటికి వచ్చేయడంతో.. ఇక చేసేది లేక అనుకున్న దాని కంటే ఈ పోస్టర్ ను అధికారికంగా లాంచ్ చేశాడు నాగార్జున. ఐతే ఈ సినిమాకు హైప్ తీసుకురావడానికి చిత్ర బృందమే కావాలని ఇలా లీక్ చేసిందన్న ఊహాగానాలు వినిపించాయి. దీనిపై నాగార్జున స్పందించాడు. హైప్ కోసం అలాంటి చీప్ ట్రిక్స్ చేయాల్సిన అవసరం తమకు లేదని నాగ్ స్పష్టం చేశాడు. ఈ ఫస్ట్ లుక్ కావడానికి అసలు కారణమేంటో నాగ్ వివరించాడు.
హలో డైరెక్టర్ విక్రమ్ కుమార్ హాంకాంగ్ లో ఉండే తన ఫ్రెండుకు ఈ లుక్ ను డిజైనింగ్ కోసం పంపించాడని.. ఆ వ్యక్తే ఇంతకుముందు మనం పోస్టర్లు కూడా డిజైన్ చేశాడని.. ఐతే ఆ డిజైనర్ తన గర్ల్ ఫ్రెండుకు ఈ స్టిల్ షేర్ చేయడంతో ఆ అమ్మాయి సోషల్ మీడియాలో పెట్టేసిందని.. అలా అఖిల్ రెండో సినిమా ఫస్ట్ లుక్ పోస్టర్ బయటికి వచ్చిందని.. అంతే తప్ప అందులో తమ ప్రమేయం ఏమీ లేదని నాగ్ స్పష్టం చేశాడు. ఈ చిత్రానికి హలో అనే టైటిల్ పెట్టింది తానేనని కూడా నాగ్ వెల్లడించాడు. టైటిల్ గురించి ఆరు నెలలుగా ఆలోచిస్తున్నామని.. ఐతే ఒక రోజు ఉదయం వ్యాయామం చేసే సమయంలో తనకు ఈ టైటిల్ తట్టిందని.. మామూలుగానే తనకు ఉదయం మంచి ఆలోచనలు వస్తుంటాయని నాగ్ తెలిపాడు
Related News
