మరో షెడ్యూలుకి సోగ్గాడే చిన్ని నాయన
19-May-2015 11:11:52
సోగ్గాడే చిన్ని నాయన .... ఈ టైటిల్ వినగానే ఇందులో వినోదం పాలు ఎక్కువుంటుందన్న విషయాన్ని ఎవరైనా సరే చెప్పేస్తారు. మనం అనుకున్నట్టుగానే అక్కినేని నాగార్జున హీరోగా రూపొందుతున్న ఈ చిత్రంలో ఎంటర్ టైన్మెంట్ ప్రధానాంశం. ఇందులో నాగ్ ద్విపాత్రాభినయం చేస్తున్నాడు. ఒకటి తాత పాత్ర ... మరొకటి మనవడి పాత్ర. తాత పాత్రను శృంగార పురుషుడిగా తీర్చిదిద్దుతున్నారట. ఆ క్యారెక్టర్ సరసన రమ్యకృష్ణ నటిస్తుండగా ... మనవడి పాత్ర పక్కన లావణ్య త్రిపాఠీ నటిస్తోంది. నూతన దర్శకుడు కల్యాణ్ కృష్ణ రూపొందిస్తున్న ఈ చిత్రం మేజర్ షెడ్యూల్ ఆ మధ్య మైసూర్ పరిసరాల్లో జరిగింది. తాజా షెడ్యూలును జూన్ ఒకటి నుంచి హైదరాబాదులో నిర్వహించడానికి ఏర్పాట్లు చేస్తున్నారు. ఇదిలా ఉంచితే, తమిళ హీరో కార్తీతో కలసి నాగార్జున మరోపక్క మల్టీ స్టారర్ సినిమాలో కూడా నటిస్తున్న సంగతి విదితమే!
nagarjuna, soggadechinninayana, ramyakrishna, lavanya,Related News
