జంపింగ్ జపాంగ్ డైరెక్షన్ లో నాని
26-May-2016 15:37:02
నేచురల్ స్టార్ సినిమాలంటే ఆడియన్స్ కే కాదు ఇండస్ట్రీ జనాలకు కూడా ఆసక్తి ఉంటుంది. డిఫరెంట్ స్టోరీలను ఎంచుకుంటూ.. పర్టిక్యులర్ గా ఓ ఇమేజ్ కి కట్టుబడకుండా దూసుకుపోతున్నాడు నాని. ప్రస్తుతం రొమాంటిక్ థ్రిల్లర్ గా రూపొందిన జెంటిల్మన్ ను విడుదలకు సిద్ధం చేసిన ఈ యంగ్ హీరో.. ఇప్పుడు కొత్త ప్రాజెక్ట్ ని ఫైనల్ చేసేశాడు.
సుధీర్ బాబుతో భలే మంచి రోజు అనే సినిమాతో దర్శకుడిగా పరిచయమయ్యాడు శ్రీరామ్ ఆదిత్య. ఆ సినిమా ప్రేక్షకులను బాగానే థ్రిల్ చేసింది. అయితే.. ఆ తర్వాత రియల్ లైఫ్ లో అందరికీ మరింత థ్రిల్ ఇచ్చాడీ శ్రీరామ్ ఆదిత్య. మరికొన్ని రోజుల్లో పెళ్లి చేసుకోబోతున్న ఓ అమ్మాయిని.. ఈ డైరెక్టర్ తీసుకెళ్లిపోయాడనే టాక్ వచ్చింది. లేచిపోయాడని అందరూ అన్నా.. ఇష్టపడి పెళ్లి చేసుకుంటే లేచిపోయినట్లేనా అని తర్వాత నిలదీశాడు కూడా. ఆ డైరెక్టర్ తో ఇప్పుడు నాని జత కడుతున్నాడు.
ఇక్కడ అన్నిటి కంటే ప్రత్యేకంగా చెప్పుకోవాల్సినది ఏంటంటే.. సున్నితమైన కుటుంబ అనుబంధాలు విలువలను బేస్ చేసుకుని ఈ మూవీ ఉంటుందట. ఓవైపు రియల్ లైఫ్ లో ఇలాంటివి పాటించలేదని విమర్శలు ఎదుర్కుంటూ.. అదే సబ్జెక్ట్ పై సినిమా చేస్తుండడం విశేషం. అఫ్ కోర్స్.. హీరో నాని ఉన్నాడు కాబట్టి.. ఇలాంటి సబ్జెక్టులని హ్యాండిల్ చేయడం కష్టం కాదేమో కదూ.
Related News
