Photo Shoot : Amy Jackson   Movie Teaser: Naa Nuvve

16-Sep-2016 11:42:34
facebook Twitter Googleplus
Photo

ఇవాల్టి రోజుల్లో కొత్తోళ్లకు ఓ సినిమా ఆఫర్ రావాలంటే.. చాలా కష్టమైన పని. బోలెడంత కష్టంతో పాటు.. ప్రయత్నం ఉండాలి. అంతకు మించిన అదృష్టం కావాలి. మజ్ను మూవీలో నానికి హీరోయిన్ గా అరంగేట్రం చేస్తున్న ప్రియ శ్రీ లుదానీ.. ఇలాంటి మాటలే చెబుతోంది. తను బోలెడంత ట్యాలెంటెడ్ కాబట్టి ఆఫర్ వెతుక్కుంటూ వచ్చిందనే మూస కబుర్లు కాకుండా.. విధి అలా నడిపించిందంటూ.. ఉన్నది ఉన్నట్లు చెప్పేస్తోందీ కొత్త హీరోయిన్.

'నేను ఓ యాడ్ షూటింగ్ కోసం హైద్రాబాద్ వచ్చాను. ఒక క్యాస్టింగ్ డైరక్టర్ కారణంగా మజ్ను దర్శకుడు విరించిని కలిశాను. ఏ సినిమా కోసం కలుస్తున్నానో.. హీరో ఎవరో కూడా నాకు తెలీదు. కేజువల్ గా కలిసి కాసేపు మాట్లాడుకున్నామంతే. 3 నెలల తర్వాత పిలుపు వచ్చింది. ఈ సారి సినిమాకి సైన్ చేసేందుకే. ఆ రోజు నా అదృష్టం వెంటబడింది అనుకున్నా' అని చెప్పిన ప్రియశ్రీ.. అసలు ఈ ఆఫర్ వస్తుందని అనుకోలేదని.. అంతా విధి నడిపించినదే అని చెప్పేస్తోంది.

నేచురల్ స్టార్ నాని అద్భుతమైన నటుడు అని చెబుతున్న ఈ భామ.. ప్రస్తుతం తెలుగు నేర్చేసుకుంటోంది. మజ్ను ప్రమోషన్స్ కోసం ఇప్పుడు తెగ ఆత్రంగా ఎదురుచూస్తోందట. ఇక్కడకొచ్చి తన తెలుగు ట్యాలెంట్ చూపించేయాలన్నది ఈ భామ ఆశ. ఇదే రేంజ్ లో సినిమాలో కూడా ట్యాలెంట్ చూపించి ఉంటే.. టాలీవుడ్ లో పాతుకుపోయేందుకు బోలెడన్ని అవకాశాలున్నాయ్ మరి

,  ,  ,  ,  ,