రాశి ఖన్నాను ఫైనలైజ్ చేశారని తెలుస్తోంది
20-Jan-2017 11:32:07
టాలీవుడ్ నెక్ట్స్ జెన్ టాప్ హీరోయిన్ అయిపోయే అవకాశాలున్న భామల్లో రాశి ఖన్నా పేరు ఎప్పటి నుంచో వినిపిస్తోంది. అయితే ఈమెకి స్మాల్ మీడియం హీరోలతో తప్ప.. స్టార్ హీరోలతో మాత్రం అవకాశాలు రావడం లేదు. రాశి కెరీర్ లో ఎన్నో హిట్స్ ఉన్నా.. ఇప్పటివరకూ ఏదైనా లోటు ఉందంటే.. అది కేవలం స్టార్ హీరోలతో చేయలేకపోవడమే.
ఇప్పుడా లోటు తీర్చే బాధ్యత తీసుకున్నాడు జూనియర్ ఎన్టీఆర్. బాబీ దర్శకత్వంలో ఎన్టీఆర్ నటిస్తున్న జై లవ కుశ చిత్రాన్ని భారీ బడ్జెట్ తో నిర్మించబోతున్నారు. కళ్యాణ్ రామ్ నిర్మాణంలో తెరకెక్కనున్న ఈ చిత్రంలో ఒక హీరోయిన్ గా రాశి ఖన్నాను ఫైనలైజ్ చేశారని తెలుస్తోంది. రవితేజ తప్ప ఇప్పటివరకూ ఆమె ఏ పెద్ద హీరోతోనూ నటించలేదు. అలాగే భారీ బడ్జెట్ మూవీస్ కూడా చేయలేదు. మొదటిసారిగా ఒక స్టార్ హీరోతో మూవీ అవకాశం రావడం.. అది కూడా టాప్ గేర్ లో ఉన్న యంగ్ టైగర్ తో సినిమా చేయనుండడంతో.. రాశి ఖన్నా ఉబ్బితబ్బిబ్బయిపోతోంది.
ఫిబ్రవరి 11నుంచి ఈ మూవీ షూటింగ్ ప్రారంభం కాుండగా.. మిగిలిన ఇద్దరు హీరోయిన్లను ఈలోపలే ఫైనలైజ్ చేయనున్నారట.
Related News
