పొంగల్ ని ఆ సినిమాకి ఇచ్చేశాడు
15-Sep-2016 11:58:44
రామ్ చరణ్.. ఈ సారి దసరా సీజన్ మిస్ అయిపోతున్నాడు. దసరా పండక్కి రిలీజ్ అనుకున్న ధృవ.. రావడం లేదని తేలిపోయింది. మరి ధృవ రిలీజ్ ఎప్పుడంటే.. ఇప్పుడు డిసెంబర్ 17 అనే డేట్ వినిపిస్తోంది. కానీ టాప్ లీగ్ లో ఉన్న స్టార్స్ సినిమాలు మన దగ్గర క్రిస్మస్ కి రావడం చాలా అరుదు. ఆ వెంటనే వచ్చే సంక్రాంతి పండుగకే ఎక్కువగా ప్లాన్ చేసుకుంటారు.
రామ్ చరణ్ కి కూడా సంక్రాంతి బాగానే అచ్చొచ్చింది. టఫ్ కాంపిటీషన్ లో కూడా రెండు సార్లు హిట్ కొట్టాడు. కానీ ధృవను పొంగల్ కి షెడ్యూల్ చేసే ఛాన్స్ హీరో చరణ్ కి లేకపోయింది. ఇందుకు కారణం.. చెర్రీలోని ప్రొడ్యూసర్ కి ఉన్న కమిట్ మెంట్. తన తండ్రి మెగాస్టార్ చిరంజీవి రీలాంఛ్ మూవీ ఖైదీ నెంబర్ 150ని నిర్మిస్తున్న చరణ్.. పొంగల్ ని ఆ సినిమాకి ఇచ్చేశాడు. ఇప్పుడు తన చిత్రాన్ని అక్కడ పెట్టి.. చిరు సినిమాని డిస్టర్బ్ చేసే ఉద్దేశ్యంలో ప్రొడ్యూసర్ చరణ్ లేడు. అలా మెగా పవర్ స్టార్ పై.. ప్రొడ్యూసర్ రామ్ చరణ్ నెగ్గేశాడు.
డిసెంబర్ మధ్యలో రావడం.. లోకల్ మార్కెట్లో ఎలాగున్నా.. ఓవర్సీస్ మార్కెట్లో అయితే సంచలనాలకు స్కోప్ లేని సీజన్ అది. అందుకే చిరు కోసం చరణ్ పెద్ద త్యాగమే చేశాడని ఇండస్ట్రీ జనాలు అంటున్నారు.
Related News
