నెక్స్ట్ మూడేళ్ళ వరకు కొన్ని సినిమాలతోనే ప్లాన్

20-Dec-2017 13:17:10

స్టార్ హీరో సినిమా షూటింగ్ పూర్తి కావాలంటే మినిమామ్ ఏడాది సమయం పడుతోంది. ఇక హీరో పరాజయల్లో ఉంటే మరో మంచి సినిమా తీయాలని టైమ్ ఎక్కువగానే తీసుకుంటాడు. కానీ ఎలాగైన మంచి అవుట్ ఫుట్ రావాలని కృషి చేస్తారు. విజయం దక్కినప్పుడు ఓ స్థాయి వరకు హ్యాపీగానే ఉంటుంది. కానీ డిజాస్టర్ అందితే ఆ సినిమా ఫెయిల్యూర్ మర్చిపోయావడానికి సమయం చాలానే పడుతుంది. ఆ తరహాలో ప్రస్తుతం చాలా మంది స్టార్ హీరోస్ విజయం కోసం చూస్తున్నారు.

ఇకపోతే సక్సెస్ ట్రాక్ లో ఉన్న హీరోలు కూడా ఇప్పుడు మళ్లీ అదే తరహాలో ఆలోచిస్తున్నారు. మెగా పవర్ స్టార్ రామ్ చరణ్ కూడా ఇప్పుడు ఆలస్యం అయినా సరే మంచి సినిమాతో రావాలని నెక్స్ట్ మూడేళ్ళ వరకు కొన్ని సినిమాలతోనే ప్లాన్ చేసుకున్నాడు. సమయాన్ని బట్టి సినిమాలను చేయాలని అనుకుంటున్నాడు. 2016 లో ధృవ సినిమాతో వచ్చిన చరణ్.. ఈ ఇయర్ ని ఫైనల్ గా మిస్ అయ్యాడు. ప్రస్తుతం సుకుమార్ దర్శకత్వంలో రంగస్థలం సినిమాను చేస్తోన్న సంగతి తెలిసిందే. అయితే ఈ సినిమా 2018 మార్చ్ లో రిలీజ్ కానుంది.

ఇక ఆ తర్వాత రామ్ చరణ్ బోయపాటి తో ఒక సినిమాను చేయడానికి రెడీ అవుతున్నాడు. ఆ సినిమా ఫుల్ మాస్ ఎంటర్టైనర్ గా ఉండబోతోంది. ఇక ఆ తరువాత రాజమౌళి సినిమాలో ఎన్టీఆర్ తో నటించడానికి ఫిక్స్ అయిన సంగతి తెలిసిందే. ఆ సినిమా 2018 మే - జూన్ లో స్టార్ట్ కావచ్చు అని తెలుస్తోంది. ఒక వేళ ఆ ప్రాజెక్ట్ ఆలస్యం అయితే చరణ్ మరో స్టార్ డైరెక్టర్ తో రెడీగా స్టోరీని సెట్ చేసుకున్నట్లు టాక్. ఇక కొరటాల శివతో కూడా నెక్స్ట్ ఇయర్ లొనే పట్టాలెక్కించనున్నాడని టాక్.