నాలుగో రోజు సరైనోడు స్టాండర్డ్ గానే వున్నాడు
27-Apr-2016 11:40:24
వీకెండ్ కలెక్షన్లు ఓ ఎత్తు అయితే... ఆ తరువాత నుంచి వచ్చే కలెక్షన్లు ఓ ఎత్తు. అయితే సమ్మర్ కాబట్టి... స్కూళ్లు.. కాలేజీలకు సెలవులు. పైగా మండే ఎండలు. అన్నీ సరైనోడుకి కలిసొస్తున్నాయి. ఈ చిత్రం నాలుగో రోజు కూడా మంచి వసూళ్లనే సాధించింది. ఓవర్సీస్ లో అయితే నాలుగో రోజుకి ఏడు లక్షల డాలర్లను(రూ.4.5కోట్లు) ఇప్పటికే వసూలు చేసింది. దాంతో ఓవర్సీస్ డిస్ట్రిబ్యూటర్స్ సేఫ్ జోన్లోకి వెళ్లినట్టే. గతంలో బోయపాటి దర్శకత్వంలో వచ్చిన సినిమాలకంటే.. ఇది చాలా ఎక్కువ. మునుముందు కూడా ఇంకా వచ్చే అవకాశాలున్నాయి. ఇక లోకల్ కలెక్షన్లు కూడా బాగానే వున్నాయి.
సరైనోడు సీడెడ్ లో బాగానే వసూలు చేస్తున్నాడు. నాలుగో రోజు రూ.98 లక్షల గ్రాస్ వసూలు చేశాడు. ఇందులో షేర్ రూ.76 లక్షలు. ఇప్పటి వరకు సీడెడ్ షేర్ సుమారు.5.11 కోట్లు వచ్చింది. అలాగే నెల్లూరు జిల్లాలో నాలుగో రోజు షేర్ రూ.14.25లక్షలు.. మొత్తం నాలుగు రోజుల షేర్ రూ.1.05 కోట్లు. వెస్ట్ గోదావరి నాలుగో రోజు షేర్ రూ.27.14లక్షలు. మొత్తం నాలుగు రోజులకు కలిపి రూ.1.95 కోట్లు వసూలు అయింది. గుంటూరు జిల్లాలో నాలుగో రోజు వచ్చిన షేర్ రూ.30.31లక్షలు.. మొత్తం రూ.2.50కోట్లు. నైజాంలోనైతే సరైనోడు దూసుకు పోతున్నాడు. ఇక్కడ నాలుగో రోజు మాత్రమే రూ.1.35కోట్లు వసూలు కాగా... నాలుగు రోజులకు కలిపి మొత్తం రూ.8.45 కోట్ల షేర్ వచ్చింది. సో.. ఇలా సరైనోడు వీక్ డేస్ లో కూడా తన కలెక్షన్లను స్టాండర్డ్ గా వుంచుకుని బాక్సాఫీస్ వద్ద దూసుకెళ్తున్నాడు.
Related News
