17 ఏళ్లుగా అదే అందాన్ని అలాగే కంటిన్యూ చేస్తున్న సౌత్ ఎవర్ గ్రీన్ బ్యూటీ శ్రియా శరణ్.. నటసింహం నందమూరి బాలకృష్ణ వందో సినిమా గౌతమిపుత్ర శాతకర్ణిలో.. హీరోయిన్ గా నటిస్తున్న సంగతి తెలిసిందే. ఈ మూవీలో శ్రియ రాణీ వశిష్టీ దేవి పాత్రలో కనిపించనుంది. బాలయ్యకే కాకుండా.. లీకుల విషయంలో కూడా శ్రియ రాణి అయిపోయిందనే టాక్ వినిపిస్తోంది.
సాధారణంగా ఇలాంటి ప్రతిష్టాత్మక చిత్రానికి సంబంధించిన షూటింగ్ స్పాట్ ఫోటోలను బయటకు రానివ్వరు. ఈ విషయంలో టీం అంతా జాగ్రత్తలు తీసుకుంటూ ఉంటారు. కానీ శ్రియ మాత్రం గౌతమిపుత్ర శాతకర్ణికి సంబంధించి.. ఆన్ లొకేషన్ ఫోటోలను పోస్ట్ చేస్తూనే ఉంది. ముఖ్యంగా తన లుక్స్ ని అయితే రివీల్ చేస్తూనే ఉంది. పాటలో ఎలా ఉంటుందో.. సన్నివేశాల్లో ఎలా కనిపించనుందో.. బిడ్డను ఎత్తుకుని ఏ గెటప్ లో కనబడనుందో లాంటి పిక్చర్స్ అన్నిటినీ షేర్ చేస్తోంది శ్రియా. దీంతో బాలయ్యకే కాకుండా.. లీకేజ్ విషయంలోనూ శ్రియా శరణ్ క్వీన్ అయిపోయిందని గుసగుసలాడేసుకుంటున్నారు.
అలాగని.. యూనిట్ కు తెలీకుండా చేస్తున్న లీక్స్ ఏమీ లేవు కానీ.. గౌతమిపుత్ర శాతకర్ణి టీమ్ లో వేరెవరూ ఇంత యాక్టివ్ గా సినిమాపై అప్ డేట్స్ ఇవ్వడం లేదు. అయితే.. బాలయ్య అభిమానులు మాత్రం.. ఎప్పటిప్పడు సినిమా సంగతులు చెబుతున్న హీరోయిన్ శ్రియను తెగ ఫాలో అయిపోతున్నారు. అప్ డేట్ ఇస్తే తప్పేంటన్నది వాళ్ల ప్రశ్న.