కమల్ హాసన్ నుంచి గౌతమి విడిపోవడం దక్షిణాది చిత్ర పరిశ్రమల్లో చర్చనీయాంశంగా మారింది. ఆ బ్రేకప్ కి కారణం కమల్ తనయ శృతిహాసనే అన్న ప్రచారం ఊపందుకొంది. ఆ విషయం శృతి చెవిన కూడా పడింది. దాంతో వెంటనే ఆమె స్పందించింది. అయితే ఆ స్పందన మాత్రం ముక్కుసూటిగా లేదు. ఇలాంటి విషయాలపై ఇంతకంటే ఎక్కువగా మాట్లాడకూడదన్నట్టుగా స్పందించిందామె. తన ప్రతినిధి నుంచి ఓ చిన్న సందేశం మీడియాకి పాస్ చేయించింది.

``ఒకరి వ్యక్తిగత విషయాల గురించి మాట్లాడటం నాకు ఇష్టముండదు. ఎవరి జీవితం వాళ్లది. ఎవరి నిర్ణయాలు వాళ్లవి. అయితే నా కుటుంబాన్ని నేనెప్పుడూ ప్రేమిస్తుంటా. నా తల్లిదండ్రులు - నా చెల్లెలు అంటే నాకెప్పుడూ అభిమానమే. ఇక మిగతా విషయాల గురించి నాకు అనవసరం`` అని ఆమె స్పష్టం చేసింది. అంతే తప్ప తన తండ్రి - గౌతమి తన వల్లే విడిపోయారనే ప్రచారంపై మాత్రం ఆమె అస్సలు స్పందించలేదు. అసలు గౌతమి ఎవరో నాకు తెలియదన్నట్టుగా స్పందించింది. అయితే ఈ వ్యవహారం విషయంలో సినీ పరిశ్రమ వర్గాలు మాత్రం గౌతమి పట్లే సానుకూలంగా ఉన్నాయి. సింపతి కోసమో - లేదంటే ఎవర్నో నిందించడానికో తాను ప్రయత్నించడం లేదని గౌతమి నిన్న ఆమె తన బ్లాగ్ లో పేర్కొన్నప్పటికీ సినీ వర్గాలు మాత్రం గౌతమికి అండగా నిలవాల్సిన సమయమిది అన్న అబిప్రాయాన్ని వ్యక్తం చేస్తున్నాయి

Related News

టాలీవుడ్ లో ఎంతమంది ఆత్మ హత్య చేసుకుంటారో

ఒక రోజు తేడాలో రెండు పెద్ద సినిమాలు

కోన రాసే 'పౌడర్' అదేనా?

ఆ ఫీలింగ్ చూపడంలో మెగా ఫ్యామిలీ కేక