తమన్నాని భయపెట్టిన బాహుబలి
10-Jun-2015 11:26:17
అప్పుడే విరిసిన తెల్ల తామరలా నాజూకుగా కనిపించే సౌందర్యం తమన్నా సొంతం. కథానాయకుడి వెంట మల్లెతీగలా సుకుమారంగా కనిపిస్తూ .. మెరుపుతీగలా అనిపించే ఆమె కత్తి పట్టవలసి వస్తే ఇంకా ఏమైనా ఉందా? బొకే బరువు మోయలేని ఈ చిన్నది కత్తి ఎలా తిప్పుతుందో ఏమో అని అభిమానులు టెన్షన్ పడటం ఖాయం. అభిమానుల సంగతి అలా ఉంచితే తాను మాత్రం చాలా భయపడ్డానంటూ 'బాహుబలి' సినిమాలోని ఓ సన్నివేశాన్ని గురించి తమన్నా చెప్పుకొచ్చింది.
బాహుబలి సినిమాలో అవకాశం వచ్చినందుకు ఆనందంతో ఎగిరిగంతేసిన తమన్నా, ఈ సినిమాలో ప్రభాస్ తో కత్తియుద్ధం చేయవలసి ఉంటుందని చెప్పగానే భయపడిపోయిందట. అపూర్వమైన సినిమా .. అద్భుతమైన పాత్ర కావడంతో అంగీకరించింది. అయితే తీరా కత్తియుద్ధంలో నటించవలసి వచ్చేసరికి చాలా ఇబ్బంది పడిందట. అది గ్రహించిన ప్రభాస్ ఈ విషయంలో ఆమెకి సహకరించాడట. ఎలాగో అలా కత్తి యుద్ధం చేశానుగానీ .. కత్తి యుద్ధంలో నటించడం సాధారణమైన విషయం కాదు బాబోయ్ అంటోంది. దీంతో ఈ కత్తియుద్ధం సీన్ ని మరింత కాన్సంట్రేషన్ చేసి చూడాలని అభిమానులు ఫిక్సై పోవడం ఖాయమనిపిస్తోంది.
Related News
