ఎన్టీఆర్ సినిమాను కూడా ఆ బేనర్లోనే
03-Jan-2017 10:54:40
జులాయికి ముందు రెండు సినిమాలకు నిర్మాతల నుంచి ఇబ్బందులు ఎదుర్కొన్నాడు త్రివిక్రమ్ శ్రీనివాస్. అలాంటి టైంలో హారిక హాసిని క్రియేషన్స్ అధినేత ఎస్.రాధాకృష్ణతో ఆయనకు ఈక్వేషన్ బాగా కుదిరింది. దీంతో వరుసగా జులాయి.. సన్నాఫ్ సత్యమూర్తి.. అఆ సినిమాలు ఆ బేనర్లోనే చేశాడు. ఇప్పుడు పవన్ కళ్యాణ్ సినిమాను.. ఆ తర్వాత ఎన్టీఆర్ సినిమాను కూడా ఆ బేనర్లోనే చేయబోతున్నాడు త్రివిక్రమ్. చూస్తుంటే ఇక వేరే బేనర్లో త్రివిక్రమ్ సినిమా చేయడమే సందేహంగా కనిపిస్తోంది. ఈ సంస్థలో చేసే సినిమాలకు త్రివిక్రమ్ పారితోషకం తీసుకోడని.. వాటా తీసుకుంటాడని.. ఒకరకంగా అతను అనధికారిక నిర్మాణ భాగస్వామి అని అంటారు సన్నిహితులు.
ఐతే హారిక హాసిని బేనర్ సినిమాలకు సంబంధించి నిర్మాతగా త్రివిక్రమ్ పేరు పడకపోయినప్పటికీ.. ఈ బేనర్ కు అనుబంధ సంస్థ అయిన సితార ఎంటర్టైన్మెంట్స్ బేనర్ మాత్రం త్రివిక్రమ్ పేరును వాడుకోబోతున్నట్లు సమాచారం. నందిని రెడ్డి దర్శకత్వంలో సితార బేనర్లో ఓ సినిమా రాబోతోంది. ఈ సినిమాకు త్రివిక్రమ్ సమర్పకుడిగా వ్యవహరించబోతున్నాడట. ఇలా త్రివిక్రమ్ పేరు ప్రొడక్షన్లో కనిపించడం ఇదే తొలిసారి అవుతుంది. పెళ్లిచూపులు ఫేమ్ విజయ్ దేవరకొండ హీరోగా నందిని ఈ చిత్రాన్ని రూపొందిస్తుంది. అల్లు అరవింద్ గీతాఆర్ట్స్-2 పేరుతో చిన్న సినిమాలు చేసినట్లే.. హారిక హాసిని వాళ్లు కూడా సితార మీద వరుసగా చిన్న సినిమాలు చేస్తారట. మరి ప్రతి సినిమాకూ ఇలాగే త్రివిక్రమ్ సమర్పించు.. అని పడుతుందేమో చూడాలి.
Related News
