ఒకరి నష్టం మరొకరికి లాభం అవుతుంది. తాజాగా కేథరీన్ విషయంలోనూ అదే జరిగింది. త్రిష తప్పుకోవడం వల్ల కేథరీన్ కి కలిసొచ్చింది. శింబు హీరోగా సెల్వరాఘవన్ దర్శకత్వంలో కథానాయికగా త్రిష ఎంపికవడం ... తర్వాత ఆమె హఠాత్తుగా ఆ ప్రాజక్టు నుంచి బయటకు వచ్చేయడం మనకు తెలిసిందే. తన మాజీ చెలికాడు వరుణ్ మణియన్ ఈ చిత్రానికి ఫైనాన్షియర్ కావడంతో, అతనితో ఏర్పడిన విభేదాల కారణంగా త్రిష ఆ సినిమా వదులుకుంది. దాంతో, ఈ పాత్రకు కేథరీన్ ను తాజాగా ఎంచుకున్నారు. రెండు రోజుల క్రితమే ఆడిషన్ నిర్వహించి ఆమెను దర్శకుడు ఫైనల్ చేసినట్టు కోలీవుడ్ సమాచారం. అలా ఓ మంచి ఆఫర్ కేథరీన్ వశమైంది.
catherine, kollywood, news, trisha, replaced,