సౌతిండియన్ సినిమాలో ఎప్పటికప్పుడు ప్రయోగాత్మక సినిమాలతో మెప్పించే వారిలో హీరో విక్రమ్ ఎప్పుడూ ముందుంటారు. తాజాగా ఆయన ?ఇరుముగన్? పేరుతో మరో ప్రయోగాత్మక సినిమాను విడుదలకు సిద్ధం చేశారు. తెలుగులో ?ఇంకొక్కడు? పేరుతో డబ్ అవుతోన్న ఈ సినిమా తమిళ వర్షన్‌కు సంబంధించిన సెన్సార్ కార్యక్రమాలు పూర్తయ్యాయి. సెన్సార్ బృందం ఈ సినిమాకు యూ/ఏ సర్టిఫికెట్ జారీ చేసింది. ఇక తెలుగు వర్షన్ సెన్సార్ కూడా మరో రెండు రోజుల్లో పూర్తవుతుందని, సెప్టెంబర్ 8న తెలుగు, తమిళ భాషల్లో ఒకేసారి భారీ ఎత్తున సినిమా విడుదల కానుందని టీమ్ తెలిపింది.
సైన్స్ ఫిక్షన్ కథాంశంతో తెరకెక్కిన ఈ సినిమాలో విక్రమ్ రెండు విభిన్న పాత్రలతో అలరించనున్నారు. ముఖ్యంగా లవ్ అనే పాత్ర సినిమాకే హైలైట్‍గా నిలుస్తుందని ప్రచారం జరుగుతోంది. విక్రమ్ సరసన నయనతార, నిత్యా మీనన్‌లు హీరోయిన్లుగా నటించిన ఈ సినిమాకు ఆనంద్ శంకర్ దర్శకత్వం వహించారు. సెన్సార్ సహా అన్ని కార్యక్రమాలూ పూర్తవడంతో టీం పెద్ద ఎత్తున ప్రచార కార్యక్రమాలను నిర్వహిస్తోంది.

Related News

తెలుగు ప్రేక్షకుల్ని పలకరించాడు సేతుపతి

మూడు భాషల్లోనూ జనతా గ్యారేజే

ప్రియుడి కోసం తెగ కష్టపడుతుందట.

రెండో భాగంలో కూడా ఉందనుకుంటే మాత్రం కష్టమే.