ఎన్నాళ్ళనుండో తల57 అంటూ ఇంటర్నెట్లో తెగ ప్రచారం చేయబడుతున్న తమిళ సూపర్ స్టార్ అజిత్ కొత్త సినిమా పేరు కన్ఫామ్ చేసేశారు. అంతేకాదు.. గత రాత్రి ఫస్ట్ లుక్ కూడా విడుదల చేశారు. తెలుగులో శౌర్యం.. శంఖం.. దరువు సినిమాలను తీసిన దర్శకుడు కమ్ సినిమాటోగ్రాఫర్ శివ.. ఇప్పుడు ఈ 57వ సినిమాకు డైరక్టర్.

చూస్తున్నారుగా లుక్ ఎలా ఉందో.. అజిత్ ఒక ఆర్మీ పర్సన్ అంటూ చెప్పకనే చెబుతున్నారు. అంతకంటే ఎక్కువగా ఇక్కడ మనోడు కొత్తగా పెంచిన సిక్స్ ప్యాక్ బాడీని తెగ చూపించేస్తున్నాడు. మొత్తానికి మళ్లీ ఒక హీరోయిక్ యాక్షన్ ఫిలింతోనే అజిత్ దూసుకొస్తున్నాడనమాట. తన సాల్ట్ అండ్ పెప్పర్ హెయిర్ లుక్స్ (సగం నెరిసిన జుట్టు) అలాగే కంటిన్యూ చేశాడులే. ఇక అజిత్ బాబుకు 'వి' అనే అక్షరంతో సినిమాలు మొదలెట్టడం అనేది ఒక సెంటిమెంట్ గా మారిపోయినట్లుంది. అజిత్ తో వీరమ్.. వేదాళమ్ సినిమాలను తీసిన ఇదే దర్శకుడు శివ.. ఈ సినిమాకు ''వివేకం'' (తమిళంలో వివేగమ్) అంటూ టైటిల్ ఎంచుకున్నాడు. సెక్సిణి కాజల్ అండ్ అక్షర హాసన్ లు హీరోయిన్లుగా నటిస్తున్న ఈ సినిమాలో వివేక్ ఒబెరాయ్ విలన్ గా నటిస్తున్నాడు. యంగ్ సంచలనం అనిరుధ్ ఈ సినిమాకు మ్యూజిక్ అందిస్తున్నాడు.

ఇప్పటికే చాలా వరకు షూటింగ్ కంప్లీట్ చేసుకున్న ''వివేకం'' సినిమా ఏప్రియల్ లో విడుదలవ్వనుంది. మొత్తానికి చాలా రోజుల నుండి ఫస్ట్ లుక్ కోసం వెయిట్ చేస్తున్న అజిత్ ఫ్యాన్స్ ఇప్పుడు పెద్ద ఫీస్ట్ అనే చెప్పాలి.

Related News

నేనే చాలామందికి చుక్కలు చూపిస్తుంటా

పోలీస్ గ్రౌండ్స్ లోనే ధృవ ఫంక్షన్ జరపడానికి ప్రత్యేకమైన కారణాలు

గౌతమిపుత్రశాతకర్ణి కోసం నీతూలుల్లా పరిశోధన

రుక్సార్ మిర్ కు మాత్రం మరో అవకాశాన్ని తెచ్చి పెట్టింది.