దాగుడు మూతలు అని పెట్టేశాడట హరీశ్

08-Aug-2017 12:20:11

డైరెక్టర్ అనాలా లేక కాంట్రోవర్శీ కింగ్ అనాలో కాని.. హరీష్ శంకర్ పేరు వింటే అన్నీ గుర్తొస్తుంటాయ్. దువ్వాడ జగన్నాధం సినిమా మొదలు పెట్టినప్పిటి నుండి విడుదలై బాక్స్ ఆఫీసు కలెక్షన్లు చర్చలు దాకా అన్నీ విమర్శతోనే జరిగింది. ఆ సినిమా పాటలు పైన కానీ సినిమా కలెక్షన్ల ప్రచారంలో కానీ హరీష్ శంకర్ తీవ్ర విమర్శలు ఎదుకున్నాడు. అయితే దువ్వాడ జగన్నాధం సినిమా నుండి హరీష్ పూర్తిగా బయటపడినట్లు కనిపిస్తుంది. ఈ మధ్య తన కొత్త సినిమా కోసం విదేశాలుకు కూడా వెళ్ళొచ్చాడు.

తన కొత్త సినిమా టైటిల్ ను దాగుడు మూతలు అని పెట్టేశాడట హరీశ్. ఈ సినిమా లొకేషన్లు కోసం USA వెళ్ళి ఆ పనులు పూర్తి చేసుకొని ఈ మధ్యనే తిరిగి వచ్చినట్లు టాక్. ఈ దాగుడు మూతల కథ దిల్ రాజు కు బాగ నచ్చిందిట. నిమా కథాంశం కూడా ఫ్యామిలి ప్రేక్షకులును యూత్ ని ఆకట్టుకునే అంశాలు ఉండబోతున్నాయి అని చెబుతున్నారు. ఈ సినిమా కోసం ఇద్దరు యంగ్ హీరోలను పడేయాలని చూస్తున్నారు హరీశ్. నాని - శర్వానంద్ ఈ సినిమాలో హీరోలు గా చేసే అవకాశం ఉంది. అయితే నాని ఇప్పుడు MCA సినిమా షూటింగ్ లో బిజీ గా ఉన్నాడు. ఈ ఏడాదికి సరిపడా షూటింగ్ షెడ్యూల్ ఉన్నాయి నానికి. అలాగే శర్వానంద్ కూడా మహానుభావుడు సినిమా షూటింగ్ లో బిజీగా ఉన్నాడు. ఆ సినిమాలు పూర్తయ్యే వరకు హరీశ్ తో వీరు దాగుడు మూతలు ఆడక తప్పదు.

దువ్వాడ జగన్నాధం లాంటి కమర్షియల్ కథతో వచ్చి రకరకాల విమర్శలు ఎదుర్కున్న హరీష్ శంకర్ ఈ కథతో అందరిని మెప్పిస్తాడు అని చెబుతున్నారు. అయితే ఈ ఇద్దరు యంగ్ హీరోలు ఈ సినిమాలో నటిస్తారా లేదా అనేది ఇంకా నిర్ణయం తీసుకోలేదు.