దాన్ని జై లవకుశ దాటేసింది.

22-Sep-2017 13:29:25

తెలుగు ఆడియన్స్ క్లాస్ ఎంటర్టైనర్లంటేనే ఎక్కువ ఇష్టపడతారన్న సంగతి తెలిసిందే. అలాంటి సినిమాలకే అక్కడే వసూళ్లు ఎక్కువగా ఉంటాయి. ఎన్టీఆర్ సినిమాల్లో క్లాస్ టచ్ ఉన్న నాన్నకు ప్రేమతో.. జనతా గ్యారేజ్ సినిమాలు అక్కడ భారీ వసూల్లు సాధించాయి. ఒకటి 2 మిలియన్ మార్కు దాటితే.. ఇంకోటి 1.8 మిలియన్లు కొల్లగొట్టింది. ఇప్పుడు ఎన్టీఆర్ నుంచి వచ్చిన జై లవకుశ మాస్ మసాలా సినిమా కావడంతో అమెరికాలో దీనికి ఏమాత్రం వసూళ్లు ఉంటాయో అని సందేహించారు. కానీ ఆ సందేహాల్ని పటాపంచలు చేస్తూ ఈ చిత్రం యుఎస్ లో అదరగొట్టేసింది. ప్రిమియర్లతోనే హాఫ్ మిలియన్ మార్కు దాటేసింది. జనతా గ్యారేజ్ అక్కడ 5.87 లక్షల డాలర్లతో ఎన్టీఆర్ సినిమాల్లో ప్రిమియర్ల ద్వారా అత్యధిక వసూళ్లు సాధించిన సినిమాగా రికార్డు సృష్టిస్తే.. దాన్ని ‘జై లవకుశ’ దాటేసింది. ఈ చిత్రం అక్కడ బుధవారం 5.89 లక్షల డాలర్లు వసూలు చేసింది.

గురువారం వసూళ్లు కూడా కలుపుకుంటే ‘జై లవకుశ’ వసూళ్లు 9 లక్షల డాలర్ల దాకా ఉంటాయని అంచనా వేస్తున్నారు. అంటే రెండో రోజుకే ఈ చిత్రం మిలియన్ క్లబ్బులోకి చేరబోతోందన్నమాట. సినిమాకు పాజిటివ్ టాక్ ఉన్న నేపథ్యంలో శని.. ఆదివారాల్లోనూ వసూళ్లు భారీగా ఉంటాయి కాబట్టి జనతా గ్యారేజ్ ఫుల్ రన్ వసూళ్లను తొలి వారాంతంలోనే జై లవకుశ దాటేసే అవకాశాలు కనిపిస్తున్నాయి. ఈ చిత్రం ఫుల్ రన్లో నాన్నకు ప్రేమతో వసూళ్లను కూడా దాటడం ఖాయమే. ఈ చిత్ర యుఎస్ డిస్ట్రిబ్యూషన్ హక్కుల్ని రూ.8.5 కోట్లకు అమ్మారు. 1.6 మిలియన్ డాలర్ల మార్కును దాటితే డిస్ట్రిబ్యూటర్ సేఫ్ జోన్లోకి వస్తాడు.