పెళ్లి చేసుకోకున్నా.. ఎంతో అన్యోన్యంగా సహజీవనం చేసిన కమల్ హాసన్.. గౌతమి విడిపోవడం అందరికీ పెద్ద షాకింగ్ న్యూసే. తన జీవితంలో తీసుకున్న అత్యంత బాధాకర నిర్ణయిం ఇదని చెబుతూనే.. ఈ నిర్ణయం తీసుకోక తప్పలేదని చెప్పింది గౌతమి. ఈ బ్రేకప్ విషయంలో కమల్ అధికారిక స్పందనేదీ రాలేదు. ఇంతలో ఈ బ్రేకప్ కు కారణం శ్రుతి హాసనే అని.. ఆమెతో గౌతమికి విభేదాల వల్లే కమల్ నుంచి విడిపోవాల్సి వచ్చిందని ఊహాగానాలు మొదలైపోయాయి. ఐతే ఈ బ్రేకప్ కు అసలు కారణం ఇది అంటూ కొత్తగా మరో వాదన బయల్దేరింది. ఇది ఎవరూ ఊహించని కొత్త కోణమే.

గౌతమి త్వరలోనే రాజకీయాల్లోకి రావాలని చూస్తోందట. ఆమె ఇప్పటికే భారతీయ జనతా పార్టీ నాయకులతో సంప్రదింపులు కూడా జరిపింది. త్వరలోనే ఆమె రాజకీయ తీర్థం పుచ్చుకుంటుందని.. 2019 ఎన్నికల్లో పోటీ కూడా చేస్తుందని గుసగుసలు వినిపిస్తున్నాయి. ఐతే కమల్ కు.. రాజకీయాలకు దూరం అన్న సంగతి తెలిసిందే. ఆయన తరచుగా రాజకీయ నాయకులపై.. అవినీతిపై.. వ్యవస్థీకృత లోపాలపై విమర్శలు కూడా గుప్పిస్తుంటారు. ఈ నేపథ్యంలో గౌతమి రాజకీయాల్లోకి వస్తే ఇద్దరికీ ఇబ్బందికర పరిస్థితులు తలెత్తుతాయి. ఈ నేపథ్యంలోనే వాళ్లిద్దరూ విడిపోవాల్సి వచ్చిందంటూ చెన్నైలో చర్చలు నడుస్తున్నాయి. మరి గౌతమి నిజంగా రాజకీయాల్లోకి వస్తే ఈ వాదనే వాస్తవమని భావించవచ్చు.

Related News

ఏ గ్యారేజీలోనే పెట్టేసి వదిలేయలేదు

ఘాటుగా స్పందించారు ప్రముఖ మ్యూజిక్ డైరక్టర్ ఆర్.పి.పట్నాయక్.

దిల్ రాజు కామెంట్లు అందుకేనేమో!!

అఖిల్ డేటు ఫిక్సయిపోయిందా?