తండ్రి హిట్ ఇచ్చిన విధంగానే ఇప్పుడు కొడుకు కూడా హిట్ ఇస్తాడా

07-Sep-2017 11:23:09

ఒకే ఫ్యామిలీకి చెందిన హీరోలతో రొమాన్స్ చేయడం ఎప్పటి నుంచో వస్తున్న ఫార్ములానే. అయితే టాలీవుడ్ లో ప్రస్తుతం స్టార్ హీరోల ఫ్యామిలీస్ చాలానే ఉన్నాయి. ఇక స్టార్ హీరోయిన్స్ కూడా వారందరితో స్క్రీన్ షేర్ చేసుకునేందుకు తెగ ట్రై చేస్తున్నారు. ఆ విషయంలో కాజల్ బాగానే సక్సెస్ అయ్యింది. దాదాపు మెగా ఫ్యామిలీ స్టార్ హీరోలందరితో అమ్మడు ఆడిపాడింది. ముఖ్యంగా మెగా హీరో చరణ్ తో నటించి నెక్స్ట్ ఆ హీరో ఫాథర్ తో కుమ్మేసింది.

అయితే ఇప్పుడు అదే తరహాలో మరో నటి అదృష్టాన్ని పరిక్షించుకుంటోంది. టాలీవుడ్ లో మరో సొట్ట బుగ్గల సుందరిగా పేరు తెచ్చుకున్న అందాల రాక్షసి లావణ్య త్రిపాఠి. ఈ అమ్మడు గత కొంత కాలంగా విజయాలను అందుకోలేదు. చివరగా నాగార్జున సినిమాతో సోగ్గాడే చిన్ని నాయన తప్ప ఇంతవరకు ఆ స్థాయిలో హిట్ అందుకోలేదు. ఈసారి అక్కినేని నాగ ఛైతన్య -యుద్ధం శరణం సినిమాతో రాబోతోంది. తండ్రి హిట్ ఇచ్చిన విధంగానే ఇప్పుడు కొడుకు కూడా హిట్ ఇస్తాడా అని ఎదురుచూస్తోంది లావణ్య.

ప్రస్తుతం చైతు మంచి ఫామ్ లో ఉన్నాడు ప్రేమమ్ - రారండోయ్ వేడుక చూద్దాం అనే సినిమాలతో మంచి హిట్ అందుకొని ఇప్పుడు వాటికి బిన్నంగా కాస్త కొత్త ఫార్ములాతో రాబోతున్నాడు. ఎలాగైనా మంచి కమర్షియల్ హిట్ కొట్టి తనకంటూ ఓ మార్కెట్ ను సెట్ చేసుకోవాలని అనుకుంటున్నాడు. ఇక ఆ సినిమా ప్రమోషన్స్ కూడా బాగానే నిర్వహిస్తున్నాడు. లావణ్య కూడా బాగానే పాల్గొంటోంది.