సూపర్ స్టార్ మహేష్, పాపులర్ డైరెక్టర్ ఏ.ఆర్.మురుగదాస్‌ల కాంబినేషన్‌లో ఓ భారీ బడ్జెట్ సినిమా సెట్స్‌పైకి వెళ్ళేందుకు సిద్ధమవుతోన్న విషయం తెలిసిందే. సౌతిండియన్ సినిమాల్లో టాప్ హీరో, డైరెక్టర్స్‌లలో ఒకరైన వీరిద్దరి కాంబినేషన్‌లో సినిమా కావడంతో సెట్స్‌పైకి వెళ్ళకముందు నుంచే ఈ సినిమాపై అంచనాలు బయలుదేరాయి. ఇక తన గత చిత్రం ?బ్రహ్మోత్సవం? బాక్సాఫీస్ వద్ద పరాజయం పాలవ్వడంతో మహేష్ కూడా ఈ సినిమా విషయంలో చాలా జాగ్రత్తగా వ్యవహరిస్తూ వస్తున్నారు. ఇప్పటికే ప్రీ ప్రొడక్షన్ కార్యక్రమాలన్నీ పూర్తి చేసుకున్న ఈ సినిమా త్వరలోనే సెట్స్‌పైకి వెళ్ళబోతోంది.
మహేష్ ఇంట్రో సాంగ్‌తో సినిమా షూటింగ్ మొదలుకానున్నట్లు తెలుస్తోంది. ఇక ఈ సాంగ్ తమిళ వర్షన్‌కు ప్రముఖ రచయిత మదన్ కర్కి సాహిత్యం సమకూర్చారు. గతంలో కర్కి ?బాహుబలి? సినిమాకు సాహిత్యం అందించడంతో పాటు ఆ సినిమాలో వాడిన ?కిలికి? అనే భాషను కూడా కనిపెట్టారు. ఎంతో పేరు గడించారు. ఇక మహేష్ సినిమాకు పనిచేయడం సంతోషంగా ఉందని ఆయన ఈ సందర్భంగా అన్నారు. హరీస్ జైరాజ్ ఈ సినిమాకు సంగీతం సమకూరుస్తున్నారు. మహేష్ సరసన రకుల్ ప్రీత్ హీరోయిన్‌గా నటించనున్న ఈ సినిమాను తెలుగు, తమిళ భాషల్లో ఏకకాలంలో సుమారు 80 కోట్ల భారీ బడ్జెట్‌తో ఠాగూర్ మధు, ఎన్.వి.ప్రసాద్‌లు నిర్మిస్తున్నారు.

Related News

రాంగోపాల్ వర్మకు ఆశించిన హిట్ దక్కలేదు

బ్రహ్మోత్సవం మళ్లీ మొదలైంది

అందుకే కేరళ కింగ్ అనేది

టాప్ లెస్ గా కనిపించడానికి కూడా సిద్ధం