తెలుగు సినీ పరిశ్రమలో ప్రస్తుతం పెళ్ళిచూపులు అనే చిన్న సినిమా రోజూ వార్తల్లో నిలుస్తూ వస్తోంది. సుమారు కోటిన్నర బడ్జెట్‌లో తెరకెక్కిన ఈ సినిమా మొదటివారాంతమే బ్రేక్ ఈవెన్ సాధించి బాక్సాఫీస్ వద్ద దూసుకుపోతోంది. ముఖ్యంగా ఈ సినిమా టార్గెట్ ఆడియన్స్ అయిన ఏ సెంటర్స్, యూఎస్‌లో వసూళ్ల వర్షం కురిపిస్తోంది. ఇక ఈ నేపథ్యంలోనే ఈ సినిమా సాటిలైట్ హక్కుల కోసం భారీ డిమాండ్ కనిపిస్తోంది. తెలుగులో టాప్ చానల్స్ అన్ని సాటిలైట్ రైట్స్ కోసం ప్రయత్నిస్తున్నాయి.
కొత్త దర్శకుడు తరుణ్ భాస్కర్ తెరకెక్కించిన ఈ సినిమాకు సంబంధించిన సాటిలైట్ రైట్స్ సుమారుగా 3 కోట్ల వరకూ పలకొచ్చని ట్రేడ్ అంచనా వేస్తోంది. మరి ఈ హక్కులను ఏ చానల్ సొంతం చేసుకుంటుందనేది చూడాలి. విజయ్ దేవరకొండ, రీతూ వర్మ హీరో హీరోయిన్లుగా నటించిన ఈ సినిమా రిఫ్రెషింగ్ రొమాంటిక్ కామెడీగా ప్రేక్షకుల నుంచి కితాబులందుకుంటోంది. రాజ్ కందుకూరి యష్ రాగినేని నిర్మించిన ఈ సినిమాను ప్రముఖ నిర్మాత సురేష్ బాబు విడుదల చేశారు.

Related News

ట్రైలర్ లో బాద్షాను చూసి తెగ సంతోషించేస్తున్నారు

తనను తాను సన్నద్ధం చేసుకోవడానికే నెలల సమయం పట్టేదట

కిల్లింగ్ వీరప్పన్ షూటింగ్ మొదలైంది

అదే రేంజులో సక్సెస్ అవుతుందనే నమ్మకంతో