25 కోట్లకు పైగా భారీ బడ్జెట్ తో తెరకెక్కిన గరుడవేగ సినిమా ఆ పెట్టుబడిని రికవర్ చేస్తుందా లేదా అన్నది సందేహమే కానీ.. ఈ సినిమా ఈ చిత్ర దర్శకుడు ప్రవీణ్ సత్తారు.. హీరో రాజశేఖర్ కెరీర్లకు మాత్రం కచ్చితంగా మేలు చేస్తుందనే అంచనా వేస్తున్నారు. ఈ దిశగా ఆల్రెడీ సంకేతాలు మొదలయ్యాయి. దర్శకుడు ప్రవీణ్ సత్తారు ఇప్పుడు టాలీవుడ్లో హాట్ టాపిక్ అవుతున్నాడు. అతను డైరెక్ట్ చేయబోయే గోపీచంద్ బయోపిక్ మీద జనాల్లో ఇప్పటికే క్యూరియాసిటీ మొదలైంది. ఈ సినిమా మొదలు కావడాని కంటే ముందే దీని తర్వాత ప్రవీణ్ చేయబోయే సినిమా కన్ఫమ్ అయిపోవడం విశేషం.

ఇప్పటిదాకా స్టార్ ఇమేజ్.. మార్కెట్ రెండూ ఉన్న హీరోలెవ్వరితోనూ పని చేయని ప్రవీణ్ సత్తారు.. ఇప్పుడు ఆ అవకాశం అందుకున్నాడు. యువ కథానాయకుడు నితిన్ తో అతను సినిమా చేయబోతున్నాడు. ఈ విషయాన్ని నితినే స్వయంగా వెల్లడించాడు. తమ సొంత సంస్థ శ్రేష్ఠ్ మూవీస్ బేనర్లో ప్రవీణ్ దర్శకత్వంలో సినిమా చేయబోతున్నట్లు అతను ట్విట్టర్లో ప్రకటించాడు. గరుడవేగ రిలీజైన నాలుగు రోజులకే నితిన్ ఈ ప్రకటన చేయడాన్ని బట్టి ఈ సినిమాతో ప్రవీణ్ దశ ఎలా తిరగబోతోందో అర్థం చేసుకోవచ్చు. హాలీవుడ్ స్థాయిలో గరుడవేగ ను డీల్ చేయడం ద్వారా తాను స్టార్ హీరోలతో భారీ బడ్జెట్ సినిమాలు కూడా చేయగలనని ప్రవీణ్ రుజువు చేసుకున్నాడు.

Related News

సక్సెస్ మీట్ సందర్భంగా కొరటాల

ప్రతీ వీకెండ్ కు చిరంజీవి అండ్ మోహన్ బాబు బ్రేక్ ఫాస్ట్ చేయడానికి కలుస్తారట.

సినిమా పై మరింత ప్రేమ పెంచుకుంటున్నారు.

కొరటాలను బాగా డిస్టర్బ్ చేసింది.