కానీ అవేం తాను లెక్క చేయలేదు
06-Oct-2017 11:28:07
పెళ్లయిన కొత్తలో సినిమాతో ప్రియమణి తెలుగులో హీరోయిన్ గా గుర్తింపు తెచ్చుకుంది. కొన్నాళ్లు టాలీవుడ్ లో స్టార్ హీరోయిన్ గా వెలిగింది. ఈమధ్యనే ముస్తఫా రాజ్ అనే యువకుడిని ప్రేమించి పెళ్లి చేసుకుంది. తాను ప్రేమించి పెళ్లి చేసుకున్నా తనది లవ్ ఎట్ ఫస్ట్ సైట్ కాదంటోంది ప్రియమణి. పెళ్లయిన తర్వాత మొదటి సారిగా మీడియా ముందుకొచ్చిన ఆమె తన ప్రేమ కబుర్లు - వైవాహిక జీవితం గురించి ఎన్నో విశేషాలు చెప్పింది.
‘‘సెలబ్రిటీ క్రికెట్ లీగ్ లో మొదటిసారి ముస్తఫాని చూశాను. అప్పటికప్పుడుమా మధ్య ప్రేమ పుట్టేయలేదు. ముందు ఇద్దరం ఫ్రెండ్స్ లాగే ఉన్నాం. నా పట్ల ఆయన కేర్ తీసుకునే తీరు నాకెంతో నచ్చింది. అలా ప్రేమలో పడ్డాను. పెళ్లయింది కదాని సినిమాలకు దూరం అవ్వాలని అనుకోవడం లేదు. నిజం చెప్పాలంటే పెళ్లయిన మూడో రోజే షూటింగ్ కు వెళ్లిపోయాను. అప్పుడు కూడా నా భర్త అర్థం చేసుకున్నారు. ఆడవాళ్లు పెళ్లయ్యాక అన్నీ వదిలేసి వంటింటికే పరిమితమై పోవాలని కోరుకునే టైప్ కాదు మా ఆయన’’ అంటూ ప్రియమణి తన లైఫ్ పార్ట్ నర్ గురించిన విశేషాలు చెప్పుకొచ్చింది.
తాను ఓ ముస్లింని పెళ్లి చేసుకుంటున్న ఓ విషయం మీడియాకు చెప్పినప్పుడు చాలా నెగిటివ్ కామెంట్లు వచ్చాయని చెప్పింది ప్రియమణి. కానీ అవేం తాను లెక్క చేయలేదని అంటోంది. తన పెళ్లికి ఎవరి అనుమతి తీసుకోవాల్సిన అవసరం లేదని తేల్చి చెప్పింది.
Related News
