సుకుమార్ సినిమాల్లో హీరోల క్యారెక్టర్లు చాలా టిపికల్ గా ఉంటాయి. ఆర్య.. జగడం.. ఆర్య-2.. 100 పర్సంట్ లవ్.. 1 నేనొక్కడినే.. నాన్నకు ప్రేమతో.. ఇలా ఏ సినిమా చూసినా హీరో క్యారెక్టర్లు చాలా ప్రత్యేకంగా ఉంటాయి. ఇప్పుడిక రామ్ చరణ్ కోసం సుక్కు ఎలాంటి పాత్ర రెడీ చేస్తున్నాడా అని మెగా ఫ్యాన్స్ ఆసక్తిగా ఎదురు చూస్తున్నారు.

సుక్కు సన్నిహితుల సమాచారం ప్రకారం ఈ సినిమాలో రామ్ చరణ్ ను డాక్టర్ గా చూపించబోతున్నాడట సుక్కు. ఇదొక సైన్స్ ఫిక్షన్ థ్రిల్లర్ అని.. ?ఫార్ములా ఎక్స్? అనేది టైటిల్ అని ప్రచారం జరుగుతున్న సంగతి తెలిసిందే. మరి హీరోను డాక్టర్ కు చూపిస్తూ సైన్స్ ఫిక్షన్ తో ఎలా ముడిపెడతాడో చూడాలి. టాలీవుడ్లో హీరోలు డాక్టర్లుగా కనిపించడం చాలా అరుదు. గత కొన్నేళ్లలో చూస్తే.. ?సింహా?లో బాలయ్య మాత్రమే వైద్యుడిగా కనిపించాడు. అది కూడా ఫుల్ లెంగ్త్ క్యారెక్టరేమీ కాదు.

రామ్ చరణ్ పూర్తి సినిమాలో డాక్టర్ గా కనిపిస్తే తెలుగు సినిమాల్లో ఇది చాలా ప్రత్యేకమని చెప్పుకోవచ్చు. చరణ్ తండ్రి ?శంకర్ దాదా జిందాబాద్?లో ఫేక్ డాక్టర్ లాగా కనిపించాడు. చరణ్ ?రచ్చ? సినిమాలో కొన్ని నిమిషాల పాటు తెల్ల కోటుతో మెడికో లాగా కనిపించాడు. మరి పూర్తి స్థాయి వైద్యుడిగా చరణ్ ఎలా కనిపిస్తాడో చూద్దాం. ఇంకో రెండు మూడు నెలల్లో స్క్రిప్టు పూర్తి చేసి.. విజయదశమికి ఈ చిత్రాన్ని సెట్స్ మీదికి తీసుకెళ్లాలని భావిస్తున్నాడు సుక్కు.

Related News

నీహారిక.. అప్పుడే రెండో సినిమా

టికెట్ దొరికిందన్న ఆనందంలో

ఆ ఫీలింగ్ చూపడంలో మెగా ఫ్యామిలీ కేక

రాజమౌళి సినిమాలకు పని చేయడం అన్నిటికంటే కష్టమైన విషయం