ఒక వ్యక్తిని గట్టిగా కొడితే.. అతను కింద పడతాడేమో కాని.. క్రిందపడి ఓ రెండుసార్లు బౌన్స్ మాత్రం అవ్వడు. అయితే శ్రీమంతుడు.. జనతా గ్యారేజ్.. డిజె వంటి సినిమాలు చూస్తే.. దెబ్బతిన్న విలన్ కి్రందపడి పైకి ఎగిరి.. మళ్ళీ క్రిందపడి మళ్లీ పైకి ఎగరుతాడు. నిజానికి ఈ బౌన్స్ అంతా కూడా రోప్ వర్క్ అనే టెక్నాలజీతో చేస్తున్నారు. రోప్స్ తో జనాలను గాల్లోకి లేపేసి.. తరువాత విజువల్ ఎఫెక్ట్స్ సపోర్టుతో ఆ తాళ్ళను తొలగిస్తారు. ఆ విధంగా ఇప్పుడు ఫైట్లన్నీ డిఫరెంట్ గా తయారయ్యాయ్.

ఇప్పుడు ఈ టెక్నాలజీకి.. రామ్ చరణ్ సినిమాకు కనక్షన్ ఏంటంటే.. రంగస్థలం 1985 సినిమాను ఒక పక్కా గ్రామీణ వాతావరణంలోనే కాదు.. ఏకంగా 1985 బ్యాక్ డ్రాపులో తీస్తున్నారు. ఆ కాలంలో ఇలా బౌన్సింగులో చేయించే ఫైట్లే లేవు. మహా అయితే ఫైటర్లు గాల్లో పల్టీలు కొట్టేవారు. అందుకే ఇప్పుడు చరణ్ తో కూడా రోప్స్ తీసేసి అటువంటి గాల్లో గింగిరాలు కొట్టే ఫైట్లే చేయిస్తున్నాడట సుక్కూ. ఫైట్ మాష్టర్లు రామ్-లక్ష్మణ్ల పర్యవేక్షణలో రోప్ వర్క్ లేని ఫైట్లతో 1990లలో చిరంజీవి చేసిన ఫైట్ల తరహాలో సీన్లు ఉంటాయని అంటున్నారు. మొత్తానికి చాన్నాళ్ళ తరువాత ఒక సినిమాలో రోప్ వర్క్ అవుట్ అయ్యిందనమాట.

ఇకపోతే ఈరోజు ఉదయం ఈ సినిమా సూటింగ్ స్పాట్ నుండి హీరోయిన్ సమంత ఒక ఫోటోను షేర్ చేసి.. సినిమా ఔట్పుట్ పై అంచనాలు పెంచేసింది.

Related News

ఇంకా హీరోయిన్ ఎవరనే విషయం అనౌన్స్ చేయలేదు

గ్లామర్ దెయ్యంగా త్రిష భయపెడుతుందా

హీరోయిన్లను మారుస్తున్నాడు మరి..

మళ్లీ హౌస్ కామెడీకే ఫిక్స్ అయిన వైట్ల