హాలీవుడ్లో తెరకెక్కే జాంబీ సినిమాలంటే ఓ వర్గం ప్రేక్షకులు చాలా ఇష్టపడతారు. ఐతే చాలా ఏళ్ల పాటు హాలీవుడ్ కే పరిమితమైన ఈ జానర్ సినిమాలు ఇప్పుడు మన దగ్గరా తయారవుతున్నాయి. ఆల్రెడీ హిందీలో ?గో గోవా గాన్?లో జాంబీ జానర్ టచ్ చేశారు. ఇక తమిళంలో ఈ సంక్రాంతికి విడుదలైన జయం రవి సినిమా ?మిరుదన్? కూడా ఆ జానర్లో తెరకెక్కిన పూర్తి స్థాయి ఇండియన్ మూవీ. ఆ చిత్రం తెలుగులోకి కూడా అనువాదమైంది కానీ ఆకట్టుకోలేదు. ఇప్పుడు తెలుగులో తొలిసారిగా ఓ జాంబీ మూవీ రాబోతోంది. అదే.. ?తను వచ్చెనంట?. రష్మి గౌతమ్ ప్రధాన పాత్రలో నటించిన సినిమా ఇది.

ఐతే ఇది పూర్తి స్థాయి జాంబీ మూవీ కాదు. కొంచెం ఆ టచ్ ఉంటుందంతే. రెగ్యులర్ జాంబీ మూవీస్ లాగా ఇది సీరియస్ గా కూడా ఉండదు. కామెడీ ప్రధానంగా నడుస్తుందట. దీని ప్రోమోస్ చూస్తే పెద్ద ప్రయోగం లాగా ఏమీ అనిపించలేదు. మామూలు హార్రర్ కామెడీల్లాగే అనిపించింది. ఈ సినిమా ఎప్పుడో పూర్తయినా విడుదలకు నోచుకోలేదు. ఎట్టకేలకు అక్టోబరు 21న ఈ చిత్రాన్ని రిలీజ్ చేయబోతున్నట్లు ప్రకటించారు. చంద్రశేఖర్ ఆజాద్ నిర్మించిన ఈ చిత్రానికి వెంకట్ కాచర్ల దర్శకుడు. తేజ కాకుమాను.. ధన్య బాలకృష్ణన్ కీలక పాత్రలు పోషించారు. 21న కళ్యాణ్ రామ్ మూవీ ?ఇజం? భారీ అంచనాల మధ్య విడుదలువుతోంది. దానికి పోటీగా వస్తున్న ?తను వచ్చెనంట? ఏమాత్రం జనాల్ని ఆకర్షిస్తుందో చూడాలి.

Related News

మహానటి షూటింగ్ స్పాటులో తీసిన ఒక ఫోటో

కాజల్ కి ఓ హీరోయిన్ రోల్ ముందే ఫిక్స్

నవంబర్ మొదటి శుక్రవారాన్నే ఎక్కువ మంది

ఆ హీరో నాకు లక్కీనే అన్న తమన్నా