హంపి వెళుతున్న రవితేజ
28-Jan-2015 10:38:11
రవితేజ నటిస్తున్న 'కిక్ 2' చిత్రం యూనిట్ త్వరలో షూటింగ్ కోసం హంపి వెళ్లనుంది. సురేందర్ రెడ్డి దర్శకత్వంలో నందమూరి కల్యాణ్ రామ్ నిర్మిస్తున్న ఈ చిత్రానికి సంబంధించిన కొన్ని సన్నివేశాలను ఇటీవలే రాజస్థాన్ లోని జైసల్మార్ లో చిత్రీకరించారు. అక్కడి నుంచి రాగానే హైదరాబాదులో షూటింగ్ చేస్తున్నారు. ఈ వారాంతం వరకు ఇక్కడే చేసి, ఆ తర్వాత హంపికి షిఫ్ట్ అవుతారు. అక్కడ భారీ షెడ్యూల్ ను ప్లాన్ చేస్తున్నారు. చిత్రంలోని ప్రధాన తారాగణం ఆ షూటింగులో పాల్గొంటారు. ఇందులో రకుల్ ప్రీత్ సింగ్ కథానాయికగా నటిస్తోంది. ఎన్టీఆర్ ఆర్ట్స్ బ్యానర్ పై కల్యాణ్ రామ్ ఇటీవల తీసిన 'పటాస్' సినిమా హిట్టవడంతో, ఇప్పుడీ చిత్రం విషయంలో దర్శకుడిపై ఒత్తిడి మరింత పెరిగిందని అంటున్నారు.
raviteja, kick2, surenderreddy, hampi, news,Related News
