మెగా ఫ్యామిలీ హీరోల్లో సాయి ధరం తేజ్ శైలి విభిన్నం. మిగిలిన హీరోలు అంతా మెగాస్టార్ ని.. పవర్ స్టార్ ని ఇమిటేట్ చేసేందుకు వెనకాడితే.. తేజు మాత్రం నిర్మొహమాటంగా వారిని దించేస్తాడు. యాక్టింగ్ నుంచి.. డ్యాన్స్ ల వరకు.. ఫైట్స్ నుంచి పోజుల వరకూ ప్రతీ విషయంలో వారిని గుర్తు చేసేందుకు ఏ మాత్రం వెనకాడడు. ఇప్పుడీ హీరో జవాన్ అంటూ దేశభక్తి యాంగిల్ లో ఓ కమర్షియల్ మూవీ చేస్తున్నాడు.
బహుశా కొన్ని నెలలుగా దేశభక్తి గురించిన సన్నివేశాలలో నటించడం కారణంగా అనుకుంటా.. రీసెంట్ గా ఇస్రో సక్సెస్ ఇతడిని బాగా ఇన్ స్పైర్ చేసేసింది. ఇస్రో ఘనతను సోషల్ మీడియాలో పొగడకుండా ఉండలేకపోయాడు. ఆ ప్రశంసలు కూడా అలా ఇలా కాదు.. సినిమాలతో పోల్చి మరీ.. ఇస్రో సాధించిన విజయమే గొప్ప అని చెప్పడం విశేషం. ఒక సినిమా 50 రోజులు ఆడడం.. ఒ క్రికెట్ ప్లేయర్ 50 రన్స్ చేయడం సాధారణంగా జరిగేదే. అయితే వాటి కంటే మన అంతరిక్ష సంస్థ ఇస్రో సక్సెస్ ఫుల్ 50 శాటిలైట్స్ ను లాంఛ్ చేయడమే చాలా గొప్ప విషయం అంటూ ట్వీట్ పెట్టాడు తేజు.
ఇక ఈ యంగ్ హీరో సినిమాల విషయానికి వస్తే.. వరుస సక్సెస్ ల తర్వాత తిక్క.. విన్నర్ తో ఎదురు బీవీఎస్ రవి దర్శకత్వంలో రూపొందుతున్న జవాన్ మూవీలో నటిస్తున్నాడు సాయి ధరం తేజ్.