ఎన్టీఆర్ .. నయనతార .. షీలా నాయకా నాయికలుగా వినాయక్ దర్శకత్వంలో వచ్చిన 'అదుర్స్' చిత్రం ఘనవిజయాన్ని సాధించింది. అయిదు సంవత్సరాల క్రితం వచ్చిన ఈ సినిమా, ఆ ఏడాదిన చెప్పుదగిన చిత్రాల్లో ఒకటిగా నిలిచింది. ఎన్టీఆర్ ఈ సినిమాలో ద్విపాత్రాభినయం చేశాడు. ఒకటి మోడ్రన్ గెటప్ అయితే మరొకటి పూజారి గెటప్. ఇప్పుడీ సినిమా సీక్వెల్ కి సన్నాహాలు మొదలయ్యాయి. పంచె కట్టుకుని .. నామాలు పెట్టుకుని .. గురువుగారూ .. గురువుగారు అంటూ ఈ సినిమాలో పూజారిగా ఎన్టీఆర్ పండించిన హాస్యాన్ని ప్రేక్షకులు ఇప్పటికీ మరిచిపోలేదు. ఇక ఆ గురువుగారిగా బ్రహ్మానందం చేసిన సందడి అంతా ఇంతాకాదు.

సెంటిమెంట్ .. కామెడీ .. యాక్షన్ .. సమపాళ్లలో మిక్స్ చేసిన ఈ సినిమా సీక్వెల్ చేయడానికి ఎన్టీఆర్ గ్రీన్ సిగ్నల్ ఇచ్చాడట. కోనవెంకట్ .. గోపీ మోహన్ స్క్రిప్ట్ సిద్ధం చేస్తున్నారు. ప్రస్తుతం అఖిల్ సినిమా చేస్తోన్న వినాయక్ అది పూర్తికాగానే ఈ ప్రాజెక్ట్ మీదకి వస్తాడని అంటున్నారు. అలాగే సుకుమార్ కాంబినేషన్లో చేస్తున్న ఎన్టీఆర్ ఆ సినిమా తరువాత 'అదుర్స్ 2' చేస్తాడని చెబుతున్నారు. ఇక గత సినిమాలో మాదిరిగానే ఈ సినిమాకి నయనతారను ఎంపిక చేశారు. షీలాకి బదులుగా 'ఆండ్రియా' ను తీసుకున్నట్టుగా తెలుస్తోంది. మొత్తానికి ఎన్టీఆర్ .. వినాయక్ కలిసి మరోమారు నవ్వుల నజరానాను అభిమానులకి అందించనున్నారన్న మాట.

Related News

హిమాచల్ ప్రదేశ్ కి బయలు దేరాడు.

కేసును ముందుకు తీసుకెళ్లే ఆధారాలేమీ పోలీసులకు లభించలేదు.

నితిన్ సెంటిమెంట్ ని.. బ్రేక్ చేసిన త్రివిక్రమ్!

ఆ రెండు ఇళ్లలో ఒకటి నాకు ఇచ్చేసింది